fbpx

【香港】麥當勞鹽酥麥炸雞回歸!新推鹽酥雞排飽!情人節$20試食兩件鹽酥麥炸雞雞鎚!

2 月 13, 2023 | 香港, 美食

聽日就係情人節,麥當勞有「比翼雙飛」優惠!2月15日起,鹽酥麥炸雞同多款夜市風味美食回歸,麥炸雞亦帶來超新星鹽酥雞排飽,全新登場「鹽酥雞排飽套餐」只需$39!麥當勞App用戶更可於2月14日情人節當日以優惠價$20率先試食兩件鹽酥麥炸雞(雞鎚),與大家齊齊「比翼雙飛」!

麥炸雞以卜卜脆、肉嫩同Juicy三大黃金要點風靡炸雞界,是次將金黃香脆且軟嫩多汁嘅炸雞加入鬆軟長麵包中!鹽酥雞排飽當中雞排採用去骨雞腿肉,配上羅勒蛋黃醬,配搭爽口羅馬生菜同鬆軟長麵包!




除了鹽酥雞排飽,炸雞迷亦可品嚐鹽酥麥炸雞呢款夜市最受歡迎美食,秉承了原味麥炸雞金黃酥脆、肉質嫩滑多汁特點,將經典鹽酥風味完美呈現。鹽酥麥炸雞嚴選優質雞鎚同雞上髀,推出1件單售及2件裝超值套餐外,更推出自選6件桶裝(單一口味或混合口味),讓您與另一半分享「脆」味!

口感綿密幼滑、入口即化嘅香滑薯蓉亦大熱回歸,薯蓉來自德國,採用100%可持續發展耕種方法製成!

麥當勞同日起推出多款美食,帶來多種特別風味!香芋風味麻糬麥旋風同香芋吉士批,一於與摯愛表白高呼「只想愛『芋』您」!麥旋風以順滑新地混合香芋風味糖漿,再配上煙靭麻糬和Oreo脆脆,將香芋甜點滋味升級;香芋吉士批充滿粒粒軟糯芋頭同濃郁吉士醬,每嚐一口都感受到滿滿幸福感!Shake Shake薯條麻辣風味調味粉讓您與戀人打得火熱,麻辣風味香辣帶勁,配合味道清甜蘆薈冬瓜茶!

麥當勞App用戶可於2月14日情人節當日以優惠價$20率先試食兩件鹽酥麥炸雞(雞鎚)!而2月15日起,顧客亦可到餐廳直接選購或透過麥當勞App優惠券購買全新「$39鹽酥雞排飽套餐」,同時麥當勞App亦提供多款優惠券,包括「$39歎鹽酥麥炸雞(2件) 招牌套餐配香滑薯蓉」、「$50 歎鹽酥麥炸雞超值套餐配香芋風味麻糬麥旋風」、「$10香芋吉士批」和「$16香芋風味麻糬麥旋風」等優惠。

*以上資訊只供參考,如有任何變化或更改均以現場情況或商戶決定為準*

Klook.com
X