fbpx

【香港】鰂魚涌米芝蓮推介乾式熟成牛扒!寵物友善半露天用餐!仲有時令海鮮!

9 月 26, 2022 | 鰂魚涌 / 西灣河 / 筲箕灣, 香港, 美食

☉ 瀏覽次數 : 1025

原創乾式熟成牛肉品牌、連續多年成為米芝蓮推介嘅The Butchers Club,最近形象大改造,變身全新品牌The Butchers Club Grille!

有別於以往,餐廳將會加入優質海鮮,特選Surf & Turf海陸美饌作為新菜單主題!有齊時令海鮮同乾式熟成極尚肉食。




除咗室內座位,仲有半露天座位,裝潢設計配上溫暖柔和自然光,營造明亮開揚環境,讓人放鬆心情來享受美食。

半露天用餐區係寵物休閑區,以自助形式提供多款免費寵物零食、寵物坐墊、水兜同寵物玩具等,適合帶同寵物、家人同朋友一邊享受美食。

The Butchers Club Grille有唔同部位嘅乾式熟成肉類,當中包括30天、45天、同需要預訂嘅60天乾式熟成肉類,仲設有網上西式肉店,提供多款優質食材同乾式熟成牛扒。

餐廳每日嚴格控制乾式熟成肉類質素,完成熟成程序嘅乾式熟肉肉類,表皮會因風乾變硬,都會以人手切除同整理,先再放喺高溫烤架上烤熟,肉汁鎖緊再散發出豐富嘅油脂香氣。精

前菜方面一樣咁精彩,選用咗法國時令生蠔,加入波菜、煙肉、洋蔥同乳酪白醬香焗成洛克菲勒式焗生蠔(3隻,每份HK$180)。

想一次過享受多重小食滋味,可以選擇雜錦頭盤二人用(每份HK$298),包括洛克菲勒式焗蠔、香煎蟹餅、香煎鵝肝同開胃魔鬼蝦。

蟹餅漢堡配黑松露薯條(每份HK$188),連同青瓜、芫茜乳酪,配上鬆軟麵包同黑松露薯條。

 

愛好甜品不能錯過The Butchers Club Grille嘅甜品,即焗嘅70%朱古力心太軟蛋糕(每份HK$128)配上雲尼拿雪糕;微甜焦糖嘅嫩滑焦糖布甸配新鮮雜莓 (每份HK$88)。

仲有午巿套餐逢星期一至星期五推出,公眾假期除外,由中午12時至下午3時供應,兩道菜套餐每位HK$198起,可加配HK$40享用是日特色甜品。

歡樂時光優惠星期一至星期五提供,每日下午3時至晚上8時,同時提供多款滋味美食,盡情享受寫意微醺。

歡樂時光HK$50可享用精選紅白餐酒買一送一、HK$29起享用支裝精選啤酒或手工啤酒、HK$45可享用桶裝經典陳年Negroni或桶裝陳年Old Fashioned調酒乙杯。

The Butchers Club Grille
鰂魚涌華蘭路12號惠安苑地下

*以上資訊只供參考,如有任何變化或更改均以現場情況或商戶決定為準*

Klook.com
X