fbpx

【香港】香港麗晶酒店四間餐廳率先重開!又可以食超正自助餐啦!

12 月 21, 2022 | 尖沙咀 / 佐敦 / 油麻地, 香港, 熱話

香港麗晶酒店宣布喺酒店正式開幕前,四間餐廳率先將載譽歸來!

四間經典餐廳將於12月26日起開始相繼試業,每間餐廳將為食客呈獻歷久彌新嘅美饌同煥然一新嘅嶄新作品!

回歸餐廳包括:The Steak House (12月26日開始接受餐廳預訂), 嚴選世界各地的精品供應商合作,搜羅一系列高品質肉類入饌,堅持沿用傳統木炭烤架進行烤製,配搭精心設計沙律吧,構建獨一無二體驗!酒單方面主打全球最佳大瓶裝葡萄酒,為愛好肉類同葡萄酒食客打造極致奢華珍饌盛宴。




港畔餐廳 (12月29日開始接受餐廳預訂)  — 充滿活力嘅自助餐體驗,着重一系列亞洲同西方美食,務求讓食客置身於世界各地嘅美食市集一樣。

大堂酒廊 (12月26日開始接受餐廳預訂)— 飽覽維多利亞港壯麗景致,提供原產咖啡同精選中西式茶茗;當然唔少得香港麗晶酒店享負盛名嘅「日夜變奏」體驗,欣賞日落美景同時品嚐小型香檳酒莊酒單中嘅精選香檳。

屢獲殊榮嘅二星米芝蓮中菜餐廳欣圖軒坐擁壯麗維港景致,一直以紮實功架同創新意念帶領食客細味粵菜。欣圖軒於酒店翻修期間一直維持營業,餐廳亦將於2022年12月26日重新起用其1984年開業時原名 — 麗晶軒 (一直維持營業,12月26日起通過香港麗晶酒店正門進入),寓意香港麗晶酒店即將於2023年初載譽而歸!

香港麗晶酒店
地址:香港九龍尖沙咀梳士巴利道18號香港麗晶酒店

 

*以上資訊只供參考,如有任何變化或更改均以現場情況或商戶決定為準*

Klook.com
X