fbpx

【香港】香港迪士尼樂園2023全新節目+節慶活動!幸運兔奧斯華登場!

1 月 13, 2023 | 香港, 玩樂, 大嶼山 / 坪洲 / 離島

☉ 瀏覽次數 : 401

大嶼山2023年率先為迪士尼樂園打開序幕嘅有Duffy萌兔好友StellaLou,為賓客送上一系列農曆新年「兔」氣揚眉嘅精彩活動。

香港迪士尼樂園度假區喺1月13日舉辦咗一場粉絲聚會,為2023年奇妙之年揭開序幕。粉絲聚會設有小型展覽同嘉賓分享會,為粉絲送上迪士尼的傳統故事,簡介全新華特・迪士尼與米奇老鼠銅像、預告2023年精彩活動巡禮同展示備受矚目嘅魔雪奇緣世界最新資訊!




超過1,000位迪士尼粉絲、傳媒朋友、內容創作者、演藝人員以及「奇妙處處通」會員率先為2023年精彩節目歡呼喝采。幸運兔奧斯華同換上全新慶祝主題服飾嘅迪士尼朋友更驚喜現身,與現場粉絲們近距離互動拍照。星級粉絲香港歌手鄭欣宜及著名DJ朱薰亦受邀出席,與賓客們分享佢哋同迪士尼嘅故事,開展奇妙的一年。

2023的精彩活動,當中五大驚喜節目包括於三月強勢回歸嘅「香港迪士尼樂園10K Weekend 2023」跑步盛事、同月登場嘅Duffy與好友主題全新遊玩體驗同「StellaLou夢想起舞吧」、一眾復仇者聯盟亦於五月召集「新一代英雄」,以前所未有嘅方式與賓客們互動、而萬眾期待嘅《魔雪奇緣》主題園區魔雪奇緣世界將於2023年下半年隆重開幕、樂園亦會於2023年十月迎來香港迪士尼獨有嘅華特・迪士尼與米奇老鼠銅像 –「創夢家」!

踏入2023年,標誌著華特迪士尼公司邁向100 周年!由三月起,米奇與好友將以全新慶祝主題服飾亮相,並會聯同久違嘅迪士尼朋友參與「米奇與好友歡聚慶典」。賓客除咗可以同首次現身樂園嘅幸運兔奧斯華會面外,更可由1月18日起於動畫藝術教室學習如何繪畫這個由華特迪士尼創作的傳奇幸運兔!

以慶祝周年為主題嘅全新商品亦會喺一年間陸續上架,率先推出嘅有現正發售嘅白金慶典系列!

今個新春,Duffy萌兔好友StellaLou連同一班迪士尼朋友,由即日起至2月12日與你「跳」進奇妙福氣當中!

來到樂園感受福氣的同時,賓客們不妨以粉紫色小萌兔福星StellaLou作打扮靈感,投入Duffy Fans-tasy當中,寓意來年大紫大紅!於大年初一至初四(2023年1月22至25日)期間入園,可獲StellaLou福兔臨門立體利是一封(派完即止)。小萌兔StellaLou換上喜氣洋洋嘅小紅裙,帶著紅紅小扇,聯同首次以新春服飾登場嘅新朋友LinaBell,喺美國小鎮大街跟萌粉開心拜年,送上最溫暖祝福!米奇與好友亦換上全新賀年裝束,為賓客送上最誠摯嘅祝福,人氣旺新春!財神高飛亦會前來報喜,祝你步步高飛。

同時,樂園及酒店餐廳推出多款兔年賀年佳餚;新春限定商品!

新春過後,緊接浪漫滿分嘅情人節,由2023年2月1至28日,喺奇妙浪漫嘅迪士尼魔法下,可以約定你心目中嘅米妮或米奇結伴前來,來一個甜蜜約會。仿效隨時於樂園內驚喜出現嘅迪士尼朋友,如米奇與米妮、唐老鴨與黛絲於樂園一起拍拖;又或從貝兒與野獸、灰姑娘與王子及愛洛公主與菲臘王子身上領略愛情真諦。

樂園及酒店餐廳精心設計多款戀愛主題美食,讓甜蜜滋味不止停留在唇齒間,更彌漫於心間。愛侶可為對方送上樂園商店推出的全新DREAMERS OF ALL AGES薰衣草色調系列,一起穿上情侶裝遊園。讓浪漫一直延續,入住香港迪士尼樂園度假區主題酒店,喺洋溢濃厚愛意的氣氛下度過浪漫時刻。

*以上資訊只供參考,如有任何變化或更改均以現場情況或商戶決定為準*

Klook.com
X