疫情緩和後，香港藝術館終於重開俾公眾參觀啦！仲同時推出多個全新展覽，除咗探索藝術館四大館藏之外，仲有更多唔同嘅藝術品故事。

新展覽分別為「行行重行行」、「想識．賞析中國山水畫」、「吳冠中──速寫生命」、「語外觀內──從語境框架到觀賞本身」同「不加思索自畫像」，仲未「廣州購物誌──18至19世紀外銷藝術」。

「行行重行行」展覽喺藝術館嘅藏品中，精選咗一啲知名藝術家，例如吳冠中、周綠雲、陳福善、韓志勳、唐景森等等嘅作品。展覽亦邀請咗本地設計師蔡劍虹擔任首席藝術家，同七位香港當代藝術家以唔同媒介嘅新作品，回應當下嘅轉變。

而「想識．賞析中國山水畫」展覽則以藝術科技作主題，突破欣賞傳統山水畫嘅方法，解構山水畫大師嘅創作秘方。以沉浸式互動數碼體驗，令傳統山水畫唔再局限於紙上。

「吳冠中──速寫生命」以中國畫壇大師吳冠中三米多長的《漢柏寫生原稿》為主角，配合其他精選館藏速寫稿和以漢柏寫生稿為藍本的相關畫作，讓觀眾窺探大師的靈感繆思，如何成就往後多幅經典作品。

「語外觀內──從語境框架到觀賞本身」展覽展出由藝術館委約嘅本地藝術家吳子昆創作嘅一組數碼藝術作品，以多媒體互動形式，打破觀賞嘅常規方式。

「不加思索自畫像」展覽則由新媒體藝術家朱力行創作，將藝術館藏品中嘅肖像比照當代嘅自拍，透過互動裝置，拆解藏品視覺元素。從藝術館藏品中揀選唔同嘅眼睛、鼻子同嘴巴，或者用自己嘅面孔來組成獨特嘅自畫像。

而「廣州購物誌──18至19世紀外銷藝術」展覽將展出選自香港藝術館同其他本地公私收藏中唔同種類嘅外銷藝術珍品。參考咗十九世紀旅粵洋人嘅遊記，喺展廳製作咗一條互動廣州購物街。

展覽包括「心動．山水──虛白齋藏畫選粹（二）」、「#物色──館藏文物的色彩美學」第二期展覽同戶外藝術展覽「虛實之間」，都換上咗新一批精彩展品，加入咗新嘅互動元素。

香港藝術館
地址： 尖沙咀梳士巴利道10號
網址 :   hk.art.museum

*以上資訊只供參考，如有任何變化或更改均以現場情況或商戶決定為準*