fbpx

【香港】香港快運換新形象新LOGO!新制服空姐可着褲+可着波鞋!

1 月 12, 2023 | 香港, 熱話

HK Express宣佈以新品牌定位「Gotta Go」,推出全新企業形象。

隨著旅遊逐漸復甦,HK Express預計將喺三月底恢復至疫情前每週超過四百個航班嘅水平。因此推出新嘅品牌定位「Gotta Go」,推動活在當下同自由奔放嘅旅遊新態度,鼓勵旅客大膽跟隨自己想法,來一場說走就走嘅旅程。

HK Express的嶄新品牌形象將應用喺各種宣傳媒體,以簡單直接嘅設計提升傳播效能。例如,各種標示同圖案中採用了簡潔易明嘅設計;整體品牌形象透過以一個旅程嘅圖形和文字組合而成嘅標誌來表達。品牌標誌中看起來像小寫字母「e」叼圖形象徵著一段由HK Express展開嘅「旅程」。由品牌最標誌性嘅紫色開始,並以一抹獨特嘅藍色結束,代表著HK Express為每一位旅客嘅個人化旅程帶來新鮮體驗。




HK Express亦宣佈推出一套糅合了多元化、可持續及品牌活力元素嘅全新機艙服務員制服。品牌與香港著名嘅可持續時裝設計師Mountain Yam任朗呈先生合作,為女性機艙服務員提供褲款選擇,各人可根據自己個性進行配搭,更以運動鞋取代傳統嘅皮鞋,增強員工表達自我個性機會同帶來更高便利性。新制服製造過程中亦加入了舊制服嘅回收物料,剩餘嘅布碎更被製成小熊公仔,賦予舊制服新嘅生命。

同時亦帶來了全新機身塗裝設計,採用標誌性紫色同白色作主調,藍色作點綴,兩側機翼同尾翼位置嘅「e」字圖形寓意著與HK Express開啟一段愉快旅程。

隨著HK Express將於今年上半年迎接首架A321neo客機,品牌機隊也將陸續採用全新機身塗裝。

資料及圖片來源:HK Express、@mountainyam

*以上資訊只供參考,如有任何變化或更改均以現場情況或商戶決定為準*

Klook.com
X