銅鑼灣名店坊新開咗一間韓式居酒屋，環境雅緻有格調，餐廳主打韓式fusion菜，都有多款傳統韓國美食，包括海鮮湯，醬油蟹，石鍋飯等等。特別之處係餐廳有多款韓國酒類飲品，適合一班朋友去食飯飲返杯。

餐廳氛圍一流！讓人感覺放鬆，都好啱情侶約會或者慶祝特別日子。

餐廳設有室外座位，天氣涼少少坐喺室外座位都幾chill~

食物質素唔錯，食材高質，擺盤精緻。小編推介海鮮湯同海鮮煎餅！

韓牛胸肉：多人嘅話可以試下韓牛胸肉，牛肉油花好靚，會有專人炒至最佳口感，牛味香濃，配埋小菜食口感豐富。

海鮮湯：海鮮湯鮮甜帶有少少香辣，每款海鮮都好新鮮，蝦肉爽彈，配上飯食好滿足！

海鮮餅：海鮮餅都好出色，海鮮足料，煎得香口，配上醬汁好惹味。

海膽焗飯：海膽鮮甜，配上香脆紫菜，簡單美味。

紅竹蝦：紅竹蝦有成半隻手臂咁長，食落鮮美爽彈，配上清新莎莎醬，做為餐前小菜配酒食唔錯。

Jeju Omegi Malgeunsul：飲落清新，帶有菠蘿同蘋果味，好似清酒，適合作為餐前酒飲~

另外餐廳都有多款韓國米酒同燒酒，亦有多款特飲。

鐘意食韓國菜就唔好錯過啦！

GYOJASANG

地址：銅鑼灣加寧街 1-3 號 Fashion Walk 地下 C 號舖

*以上資訊只供參考，如有任何變化或更改均以現場情況或商戶決定為準*