fbpx

【香港】醫健通eHealth手機程式新增「BMI寶寶」功能!助你輕鬆管理體重

8 月 15, 2022 | 香港, 熱話

☉ 瀏覽次數 : 682

一般人都追求苗條身材,認為瘦就等於健康!不過其實單靠身形係唔能夠如實反映個人嘅體重是否符合標準。醫健通eHealth手機程式健康管理系列新加入「BMI寶寶」,就方便大家隨時做好體重管理。

只要輸入你嘅身高及體重,「BMI寶寶」隨即會話俾你知你嘅理想體重範圍,同時亦會幫你分析你嘅體重指數屬於過輕、適中、過重定肥胖,有關結果更會顯示喺你專屬嘅BMI報告內,並且可以下載,方便你隨時隨地查閱添!「BMI寶寶」仲可以按時提醒你記錄身高及體重,助你輕鬆規劃個人嘅健康目標。


監測血糖
冇難度

除咗體重管理外,你亦可利用醫健通eHealth手機程式記錄及分析血糖指數,並將有關數據整合為健康管理報告,方便日後查閱紀錄及趨勢。




新增血糖紀錄時,除咗預設嘅每餐前、後時段外,你亦可選擇「其他」時段,根據個人需要自訂記錄時間。另外,仲有新增嘅「加入備註」功能,你可以進一步加入飲食、運動、胰島素劑量、尿酮測試結果等資料,助你一併記錄相關嘅血糖數據及更有效地同照顧你嘅醫護人員溝通。


設定提醒功能,下載及分享紀錄報告

想要養成定時量度血糖、血壓及BMI嘅習慣,但就係成日都無記性,唔記得咗?小編建議大家可以善用健康管理入面嘅「提醒」功能,只需設定好時間,你就會定時定候收到訊息,提醒你量度並輸入健康紀錄,包你一定唔會唔記得!除此之外,你仲可以下載及儲存有關健康管理報告喺手機內,方便你分享報告俾親友,設計非常貼心!

如果屋企嘅老人家或者小朋友已經登記咗醫健通,你仲可以成為佢哋嘅照顧者,關心及查閱佢哋嘅健康紀錄,除咗可以幫佢哋記錄血糖、血壓及BMI,仲可以協助佢哋管理其他健康紀錄,例如醫療劵餘額、藥物、敏感、疫苗及診症預約等紀錄。唔單止咁,醫健通eHealth手機程式仲有好多其他實用嘅健康資訊提供俾大家添!

心動不如行動,快啲即刻登記醫健通及下載醫健通eHealth手機程式啦!記得介紹埋俾親友啊!

立即登記醫健通下載醫健通eHealth手機程式

了解更多醫健通

醫健通Facebook專頁

醫健通Instagram專頁

*以上資訊只供參考,如有任何變化或更改均以現場情況或商戶決定為準*

Klook.com
X