假期最開心就係親親大自然,好多小山峰都人山人海,不過今次小編介紹嘅山就比較少人挑戰喇~
「雞公嶺」位於香港新界西北,海拔585米,介乎位於元朗/粉嶺/上水之間,雞公嶺由兩大山峰組成,大家上山嘅時候就知道呢度群山連綿,跨過一個高峰又一個高峰。
不過呢度提提大家要注意路面平滑,由於呢度長期又非法越野機車活動而變得打滑,所以只適合有經驗嘅行山人士前往。
建議大家都可以帶埋手套、行山鞋、行山杖,因為斜坡幅度較大,上落時候有機會要攀爬。
如果行嘅大東山、龍脊果啲山,雞公嶺就啱晒你喇~新手需量力而為。
交通:
起點:元朗西鐵站G1出口→鳳翔路公共小巴總站→603小巴→雞公嶺燈柱入口落車
終點:
巴士 77K 粉嶺祥華村 – 元朗西總站(粉錦公路近蕉徑上車)
小巴 57K 號 唐公嶺 – 上水站(粉錦公路近蕉徑上車)
小巴 元朗(裕景坊) – 上水(新運里)(粉錦公路近蕉徑上車)
需時:
5至6小時
注意:
沿途沒有樹蔭,請帶好防曬用品。
留意非法電單車、越野車行駛。
中途沒有任何補給站。
圖片來源:@tibby_chiu、@szecchelsea_、@summerpurals
*以上資訊只供參考,如有任何變化或更改均以現場情況或商戶決定為準*