fbpx

【香港】西九社區藝術展免費入場!打卡必到霓虹燈+壁畫!

6 月 1, 2022 | 尖沙咀 / 佐敦 / 油麻地, 玩樂

☉ 瀏覽次數 : 2361

旅發局新推出嘅「藝聚香港」平台,全力支持香港教育大學文化與創意藝術學系,仲舉辦首個社區文化藝術展覽 ─「西油記」,積極推廣西九龍區嘅深度藝文遊!

展覽於6 月 1 日至 6 月 17 日期間,喺西九文化區藝術展亭舉行,展出超過 250 份、由 650 多位學生以西九龍為創作主題嘅藝術作品。大家不妨走入展覽,試吓以全新角度欣賞呢個「大城小區」!

仲可以順道同充滿特色嘅作品打卡!必去打卡推介有:「西油記」、「光映」、「尋寶圖」同「凝」等等嘅作品!




「西油記」係以木板砌成嘅展覽介紹,好似一張張巨大紙張喺牆上咁,嚟到一定要打卡「到此一遊」。

而「光映」係由霓虹燈招牌建構嘅舊香港光影隧道。

「尋寶圖」係一幅以縱橫交錯建築物為主,隱藏唔少區內美景嘅畫作,搵呢啲隱藏美景就好似寶物隱藏喺地圖入面咁!

「凝」係以石膏創作嘅作品,擁有唔同質感同顏色嘅石膏,反映18 區都有唔同特色!

仲有唔少以西九龍面貌為主題嘅作品。

西油記

舉行日期:2022 年 6 月 1 日至 6 月 17 日
開放時間:星期一至五:中午 12 時至晚上 7 時/星期六、日及公眾假期:早上 11 時至晚上 8 時
地點:西九文化區藝術展亭
每日下午設有兩節半小時粵語導賞活動,需於現場登記,每節可接待10 人
(星期一至五:下午 2 時及 4 時,周六、日及公眾假期:下午 2 時及6 時 30 分)
每個周六、日及公眾假期場內將設音樂表演

 

 

 

*以上資訊只供參考,如有任何變化或更改均以現場情況或商戶決定為準*

Klook.com
X