最近喺佐敦嘅神燈海鮮酒家，有個期間限定嘅「阿拉斯加黃金全蟹宴」，各位蟹迷一定要去試！
廚師會用超過4斤重嘅阿拉斯加蟹，整成6款以蟹入饌嘅主菜，保證你可以食勻蟹蟹嘅全身～

最吸引嘅係「雞油花雕蒸蟹身」！食落啖啖肉勁滋味！
主廚將雞油、花雕拌入蛋白，再同蟹肉一齊蒸，令到阿拉斯加蟹肉嘅鮮味更突出！好正啊～～

全港首創嘅「星洲麥皮蟹腳」勁好味！大廚已經預先幫你剪開咗外殼，等你輕鬆食到肥美厚肉嘅蟹腳～
麥皮係來自馬來西亞，味道鹹甜適中，配埋阿拉斯加蟹真‧多重鮮香！

蟹膏都要完美運用！「蟹膏蛋白炒鮮奶」以順德名菜炒鮮奶嘅方法，加入阿拉斯加蟹膏！
選用3.6北海道牛乳，奶味特別香濃～食落又嫩滑又鮮香～

唔想食炒鮮奶？可以揀「活膏甲羅燒」！
喺巨型蟹殼中放滿新鮮蟹膏、蟹肉、蟹籽、鵪鶉蛋等材料，再加清酒燒煮～蟹鮮味濃極惹味！

另外套餐仲有「鮮拆蟹黃芝士烏冬」～
鮮拆原隻膏蟹，加入蟹黃、阿拉斯加蟹肉、芝士、蟹黃醬汁，撈埋煙韌烏冬！每條烏冬都掛滿醬汁，入口啖啖蟹香，真係必必必必食！

除咗食，飲湯都好重要～所以套餐仲有「宮廷蟹爪濃雞湯」～
雞湯以15斤三黃雞、大量雞腳、雞殼明火熬製3小時而成，所以有好豐富嘅骨膠原～除咗濃郁雞香味之外，仲有啖啖阿拉斯加蟹肉，正呀！

驚你唔夠飽，所以套餐仲有兩款小食！包括係「神燈三弄」（手拍青瓜、香茜鮮沙薑豬手粒、滷水掌翼），同埋「懷舊蝦多士」！

就連蝦多士都好好味～大廚選用12頭印度原隻大白蝦，食落彈牙！配埋炸得香脆嘅多士，肯定食唔停口呀～

鍾意食蟹嘅各位，快啲Book位去試試佢啦！

「阿拉斯加黃金全蟹宴」（4位用，6道主菜配小食、甜品）

地址：佐敦長樂街14-20號，18廣場地下及一樓
電話：2866 6292
期間限定優惠：$2,988（原價：$3688）
推出日期：2021年7月1日至7月31日
供應時間：11:30-16:00｜18:00-22:00

*以上資訊只供參考，如有任何變化或更改均以現場情況或商戶決定為準*