fbpx

【香港】荔枝角抵食西班牙餐廳!歎乾式熟成肉類+海鮮!仲有兩小時無限任飲Cava!

9 月 30, 2022 | 荔枝角 / 美孚, 香港, 美食

☉ 瀏覽次數 : 1197

西班牙風味小館Rustico 10月1日起,為咗慶出10月12日西班牙國慶日,推出全新自家製嘅乾式熟成肉食美食!仲有期間限定每位港幣188元嘅兩小時無限暢飲西班牙氣泡酒!

由佢哋總廚Carlos Salvador Asensio設計嘅一系列乾式熟成肉類美食,係今次嘅焦點!乾式熟成嘅過程非常講究溫度同濕度,Rustico特別喺海外購入乾式熟成凍櫃,精準監察相關指數,每日觀察肉類熟成狀態。

有21天乾式熟成嘅三洲黑鬃鵝,結合西班牙國民燴飯Paella,製作成「21天熟成油封鵝腿西班牙燴飯」($428)同「21天熟成鵝胸西班牙燴飯」($428)。三洲黑鬃鵝係廣東地方優良鵝種之一,體肥肉嫩丶骨細皮滑丶味美,又大小適中,將華南特色食材同西班牙傳統烹調融合,非常特別。




其他家禽類仲有「14天熟成法國鵪鶉」($258/一隻)及「14天熟成法國皇家鴿」($298/半隻)。法國皇家鴿精挑入口嚟自法國著名百年家禽供應商Mieral嘅乳鴿,以含豐富蛋白質及礦物質聞名。

家禽喺乾式熟成過程中,外皮容易變得乾旱,因此需要頻密觀察熟成狀況。同普通家禽相比,經熟成後嘅家禽肉味更濃郁,皮脆肉嫩,肉質更為軟嫩可口。

餐廳仲特別搜羅來自美國同日本嘅頂級牛隻品種作乾式熟成處理,包括「50天牛油熟成美國頂級西冷」($548),以牛油熟成法,以法國無鹽牛油覆蓋牛肉,免於腐壞,再經50天熟成。

仲有「40天乾式熟成日本橄欖牛西冷」($588)及「40天乾式熟成京都姬牛西冷」($588)。前者日本橄欖牛來自日本最先開始孕育和牛嘅香川縣小豆島,加入橄欖果作飼料餵養,肉質軟嫩、口感多汁。後者選用嘅京都姬牛,香港非常少見,係優質雌性黑毛和牛,雌性和牛成長期可達九至十年,較一般和牛長二至三年,以富礦物質嘅水源同充滿澱粉同蛋白質嘅飼料餵飼,肉質細嫩,甘香油脂。

仲有經典嘅「21天熟成豬扒」($428)同「18天熟成豬扒」($498元),肉味香濃,質地軟嫩。

除咗肉食,仲有乾式熟成技術處理嘅鮮魚,「3天乾式熟成時令魚產」(時價),令魚肉鮮味更濃郁。

Rustico會喺10月1日起至10月30日期間限定推出無限暢飲推廣,可另加港幣188元享用兩小時無限暢飲西班牙氣泡酒,一齊慶祝西班牙國慶。

佢哋嘅招牌菜式都唔可以錯過!

必食「Rustico特色西班牙炸蛋“Broken Egg”伴香脆薯絲及辣肉腸碎」($108),蛋汁配香脆薯絲,一試難忘!

「些厘酒煮西班牙黑毛豬辣肉腸」($98),「手切特選伊比利亞黑毛豬火腿—48個月($268),配酒小食一流!

「西班牙燴牛肚鷹嘴豆辣肉腸醬汁」($148)香濃惹味!

Rustico亦設有性價比高嘅三道菜午市菜單,備有頭盤丶主菜及甜點,只係158元至288元;中午就試到「傳統西班牙海鮮飯」丶「香烤西班牙杜洛克豬扒配榅桲果凍丶手切薯角及小青椒」丶「西班牙布拉瓦龍蝦燴飯」等菜式。

 

Rustico
九龍荔枝角長義街9號D2 Place One地下G01舖

營業時間:
中午12時至下午3時(截單時間為下午2時30分)
晚上6時至11時(截單時間為晚上10時)

*以上資訊只供參考,如有任何變化或更改均以現場情況或商戶決定為準*

Klook.com
X