fbpx

【香港】荃灣西隱世超滑海南雞!超濃雞味!$47就食到高質海南雞飯!

10 月 7, 2022 | 香港, 荃灣, 美食

☉ 瀏覽次數 : 3444

荃灣呢間隱身喺熟食市場嘅泰式小店,海南雞飯超香超滑,就連杜汶澤都讚!等小編同大家直擊試食啦!

餐廳藏身喺荃灣西海旁工廈區嘅柴灣角熟食市場,餐廳由泰國人主理,除咗泰國菜,仲有港式早餐同碟頭飯。

餐廳招牌海南雞飯聽講係由新鮮雞整,以雞湯浸熟,上檯時已經去骨,食得超級方便。




雞肉一咬就充滿雞油香!雞肉有濃郁雞味,口感嫩滑,油飯色澤微黃,質感偏向乾身唔油膩。午市海南雞飯連飲品都只係$47,價錢親民,係附近打工仔恩物!

豬手亦都相當出色,炆得非常入味,又稔!同樣亦已去骨,濃濃滷水香,絕對可以食哂成碟飯!

新樂園
地址:荃灣柴灣角街4號柴灣角熟食市場
營業時間:5:30am – 4:00pm (星期日及公眾假期休息)

*以上資訊只供參考,如有任何變化或更改均以現場情況或商戶決定為準*

Klook.com
X