fbpx

【香港】荃灣至掃管笏段擬建單車徑!深井新海濱長廊+單車橋!

10 月 18, 2022 | 香港, 荃灣, 熱話

☉ 瀏覽次數 : 972

發展局長甯漢豪喺網誌表示,致力推展嘅「新界單車徑網絡」餘下單車徑路段,就荃灣灣景花園至掃管笏段單車徑嘅推展方向,土木工程拓展署正舉辦公眾參與活動,就擬議深井海濱長廊構思舉辦工作坊,了解當區街坊需要同收集民間意見,土拓署會喺唔同地點舉行巡迴展覽,安排虛擬實境(VR)單車體驗,期望市民踴躍發表對荃灣灣景花園至掃管笏段單車徑嘅意見。

「新界單車網絡」全長82公里,以單車徑連結荃灣、屯門、元朗、上水、大埔、沙田、馬鞍山各地。單車徑分為四個階段:

  1. 屯門至馬鞍山60公里路段,2020年9月啟用。由屯門出發,經元朗、上水、大埔,吐露港,直達馬鞍山。
  2. 荃灣海濱公園段,2021年4月啟用,全長2.3公里,由荃灣海濱花園經荃灣西站至灣景花園。
  3. 屯門掃管笏段,明年向立法會申請撥款後可以動工,全長約3公里,由屯門青山灣至掃管笏。
  4. 荃灣灣景花園至掃管笏,現正進行公眾諮詢,全長約18公里。

土拓署工程師表示,荃灣灣景花園至掃管笏段單車徑環境限制比較複雜,工程難度較新界其他單車徑路段高,青山公路兩旁可用空間有限,又有陡峭斜坡,因此部分單車徑會以臨海單車橋、隧道或護土牆方式建造。有關臨海嘅方案可減少工程對青山公路嘅影響,亦提供契機喺合適位置加設行人路同休息處,行人同騎單車人士均可享受沿途優美海岸風景。單車徑沿途亦有特色景點,例如獲評為三級歷史建築嘅白樓。




土木工程拓展署會舉辦巡迴展覽、虛擬單車體驗同設計工作坊,俾市民了解上述單車徑路段。市民可經專題網站或電郵提交意見,又或將意見傳真至28656493或郵寄至九龍塘又一城5樓。

 

 

*以上資訊只供參考,如有任何變化或更改均以現場情況或商戶決定為準*

Klook.com
X