滑蛋同叉燒絕對係完美組合！
小編唔信會有人可以抗拒到茶記「滑蛋叉燒飯」嘅魔力！
咁你地又知唔知邊間出名好食呢？
即刻睇吓呢七間先啦！
(排名不分先後～～)

===========================================

四寶食堂 – 叉燒滑蛋飯
附近有唔少打工仔平時午膳時間都鍾意過嚟幫襯～
呢個滑蛋＋半肥瘦叉燒～真係不敗組合！
叉燒食落好有口感～勁好食！

INFO.
地址：銅鑼灣謝斐道482號兆安廣場地下1-3號舖

===============

旺記冰室 – 叉燒滑蛋飯
呢間冰室嘅半肥瘦叉燒味道一流，炒蛋亦都好特別～
係用日本雞蛋同牛乳去炒嘅！
所以蛋特別濃郁，再配埋叉燒一齊放入口，
真係令人回味無窮！

INFO.
地址：灣仔謝斐道142號建利大廈地舖

===============

順興茶檔 – 滑蛋叉燒飯
呢度嘅叉燒係一塊塊薄片～
但份量依然多！
半熟蛋好滑，加埋甜豉油就更好食！有水準！
成碟飯迅速清哂～

INFO.
地址：大坑安庶庇街24號地下

===============

聯發茶餐廳 – 香蔥叉燒滑蛋飯
呢間茶記嘅叉燒係厚切！！好邪惡呀～～
叉燒肉質幾嫩，食落去仲有陣陣碳燒香味添！
仲可以自選跟煎蛋/炒滑蛋～
加埋大量蔥花同洋蔥，口感豐富！

INFO.
地址：九龍城侯王道2-4號地下1號舖

===============

樂心冰室 – 皇袍叉燒飯
呢間冰室嘅半肥瘦叉燒好大件，而且同樣係厚切！
聽講每日都要燒成二百斤叉燒～夠新鮮！
滑蛋亦炒得好香，佈滿喺飯上面～
真係好有吸引力！

INFO.
地址：銅鑼灣渣甸街54-58號地下

===============

光榮冰室 – 叉燒滑蛋飯
佢地嘅叉燒大大塊又薄身，幾易入口～
滑蛋亦煮得啱啱好，香味十足！好食！

INFO.
地址：尖沙咀厚福街5-6號地下6號鋪

===============

新澳咖啡餐室 – 滑蛋叉燒飯
呢間滑蛋叉燒飯同樣好吸引～
叉燒夠厚身，而蛋亦炒得好滑，仲有少少洋蔥～
以甜豉油提味，加上自家XO醬，令整體味道加分呀！

INFO.
地址：紅磡民泰街53-73號地下F1號舖

*以上資訊只供參考，如有任何變化或更改均以現場情況或商戶決定為準*