fbpx

【香港】經典回憶「13點」發行漫畫郵票!粉絲必入珍藏!

11 月 7, 2022 | 香港, 熱話

☉ 瀏覽次數 : 300

郵政局將喺下月發售已故本地漫畫家李惠珍嘅《13點》漫畫主題郵票,係今年最後一套特別郵票!

當中包括一套6款印有各款少女造型嘅13點郵票,以及2款小型張郵票,部分蓋上《13點》漫畫嘅特別郵戳!

本地原創漫畫《13點》可以話係本港少女漫畫始祖,由李惠珍創作。漫畫女主角13點,自主獨立、前衛同追求時尚,令作品成為本地經典漫畫之一,亦係唔少港人共同回憶。




今次發行嘅郵票,為本年最後一套特別郵票,其中包括一套6枚嘅郵票,印上穿上唔同時裝造型嘅13點,面值分別為$2.2、$2.8、$3.7、$4、$5.4及$5.5!

除了套裝之外,有興趣的市民更可以購買郵票小全張及其他相關的集郵品,包括面值$10或$20小型張郵票,部分更設有特別印刷效果;另外亦有正式首日封或已蓋銷首日封,部分更蓋上《13點》漫畫的特別郵戳,極具收藏價值!

《13點》漫畫郵票會於12月6日起公開發行,並會於全線郵政局和網上購物坊「郵購網」正式發售,包括珍藏套裝、首日封、特別郵票及相關郵品等。現時該郵票已於「郵購網」預先開放訂購,大家若有興趣記得不要錯過!

《13點》漫畫郵票
發售日期:2022年12月6日 (包括已訂購郵品派遞或開始領取日期)
網上訂購截止日期:2022年11月21日(23:59)
預購渠道:全線郵政局、「郵購網」

 

*以上資訊只供參考,如有任何變化或更改均以現場情況或商戶決定為準*

Klook.com
X