講起香港嘅茶餐廳，你一定有聽過「蘭芳園」！蘭芳園早於1952創辦，歷史非常悠久，早年以大牌檔形式經營，呢類係大牌檔形式嘅茶餐廳係唔少香港人嘅集體回憶。佢哋之所以咁出名，除咗係因為有多年歷史之外，亦係因為佢哋首創咗好多香港特色食品，當中包括︰港式飲品「鴛鴦」、「絲襪奶茶」同「撈丁」。

https://www.instagram.com/p/CH1kfkkh-wU/

大部份人去「蘭芳園」都一定會飲「絲襪奶茶」，佢哋當年首創以袋茶沖製嘅香港式濃滑奶茶大受歡迎，奶茶使用斯里蘭卡科倫坡嘅「季後茶葉」同埋馬來西亞嘅植脂奶沖製，口感細滑無比，直至今日都仍然係香港人最喜愛嘅飲品之一。

https://www.instagram.com/p/CKeGXHnr-qz/

沖製「絲襪奶茶」嘅方法就係要將煮好嘅紅茶經茶袋反覆沖濾，一般人都話呢種奶茶比起其他地區嘅奶茶更有茶香，加埋獨有嘅茶澀味，香醇濃郁嘅味道只有喺「蘭芳園」先搵到！

https://www.instagram.com/p/CK1q2vVr1yO/

除咗奶茶之外，「蘭芳園」其實仲有供應傳統茶餐廳食品，店內每日都坐滿哂人！現時「蘭芳園」喺香港有三間分店，分別位於尖沙咀、上環同中環，而中環嘅街邊嘅檔口仍然保留，不論係本地打工仔定係外地遊客都會專程去朝聖，係香港僅餘的嘅大牌檔之一，非常有特色！

https://www.instagram.com/p/CEWfU8Bgtzj/

蘭芳園尖沙咀店
地址︰尖沙咀彌敦道36-44號重慶大廈地庫WK廣場26號舖

蘭芳園中環店
地址︰中環結志街2號地舖

蘭芳園上環店
地址︰上環干諾道中168-200號信德中心3樓304D號舖

*以上資訊只供參考，如有任何變化或更改均以現場情況或商戶決定為準*