香港科學館將喺7月8日起舉行大型恐龍展覽：「香港賽馬會呈獻系列：八大‧尋龍記」！展出八組最具代表性、嚟自恐龍盛世嘅化石標本！

香港科學館特別擴闊展覽空間，劃出面積達2000平方米嘅展覽廳，展出八組嚟自德國、瑞士同荷蘭嘅史前生物化石標本。五組包括三角龍、異特龍、西龍、梁龍同暴龍嘅骨架，以化石真品同重構骨骼組裝，非常獨特和罕有。

亦有棘龍同哈特茲哥翼龍一比一復原嘅骨架模型，化石真品則會置於展櫃內展示。另外亦包括整幅埋藏狀態嘅幼齡蜥腳類恐龍。除了暴龍之外，其餘七組化石骨架都係首次於香港展出。

今次展覽係繼2014年嘅「香港賽馬會呈獻系列：巨龍傳奇」後又一大型恐龍展覽。結合恐龍龐大嘅體形同多媒體投射，參觀者可以有如身臨其境，同恐龍會面嘅感覺。

今次展覽製作團隊匯聚嚟自香港、德國、荷蘭、瑞士、意大利等地嘅唔同專家。展品赴港之前亦進行咗多項專業準備工作，包括骨架組裝、支架組裝測試、化石清潔同包裝。

展覽將將喺2022年7月8日至11月16日喺香港科學館舉行，免費入場，須網上預約參觀，預約詳情稍後公布。

有關展覽詳情，請瀏覽網頁 big8dinosaurs.hk。

*以上資訊只供參考，如有任何變化或更改均以現場情況或商戶決定為準*