炎炎夏日，如果可以嘆返杯紅豆冰咁就好喇！
雖然話幾乎間間懷舊冰室/茶餐廳都有得飲紅豆冰～
但邊間比較多人like？
小編就搵咗6間，唔知你心目中嗰間又有冇上榜呢？
(排名不分先後～～)

===========================================

萬芳冰室
呢間冰室已經有六十幾年歷史～
佢哋嘅紅豆冰係跟足傳統做法～
以上寬下窄嘅透明冰杯，仲係採用碎冰！
淡奶香偏重，但紅豆好入味～
大大杯好抵飲！

INFO.
地址：元朗建德街35-55號時景花園地下10號舖

===============

新香園 (堅記)
呢度除咗馳名嘅蛋牛治之外～
大大杯嘅紅豆冰亦唔可以放過㗎！
以碎冰為底～
主角紅豆煮得夠淋身，仲唔會過份甜～
仲有陣陣煉奶香添！
飲完真係立即降溫呀！

INFO.
地址：深水埗桂林街38號A地下

===============

廣成冰室
雖然話港島、九龍嘅冰室多的是，但如果講到紅豆冰…
就算新界有幾遠，飲得到都係值得嘅！
杯頂尖三角型嘅刨冰山完全係由人手刨出嚟～
幼滑嘅冰粒＋大大粒紅豆，係自然嘅香甜味呀！
再加埋刨冰山下面嘅淡奶一齊食～
真係超冰涼！
到目前為止小編仍然覺得係最好飲！
絕對值得榜上有名！

INFO.
地址：上水石湖墟新成路10號

===============

樂園 Lok Yuen
就咁飲紅豆冰未必滿足到你？一於試吓奶茶紅豆冰啦！
呢間位於街市熟食檔嘅茶記，所賣嘅奶茶超級香濃～
而且大大粒紅豆唔會太硬～
飲落去紅豆仲係起哂沙添！
性價比高！必飲！

INFO.
地址：九龍城九龍城市政大廈3樓6號舖

===============

合香園
另一間同樣有出色嘅奶茶紅豆冰！
仲係唯有一間用瓦煲奶茶㗎！
每日限時推出嘅奶茶放入雪櫃冷藏之後～
茶味依然係咁香濃！
大大粒紅豆冰起哂沙～
紅豆仲甜甜地，愈飲愈上癮！

INFO.
地址︰尖沙咀海防道390號熟食檔

===============

十字冰室
好多食客可能都知道呢度有招牌冰鎮奶茶～
但其實佢哋嘅紅豆冰都好令人期待！
粒粒紅豆充滿口感，仲可以加配軟雪糕～
炎炎夏日飲返杯真係一流呀！

INFO.
地址：西環西營盤高街48-78號恆陞大樓地下12號舖

*以上資訊只供參考，如有任何變化或更改均以現場情況或商戶決定為準*