fbpx

【香港】灣仔黑毛和牛席前壽喜燒!關西風格烹調+三大和牛「神戶牛」

1 月 20, 2023 | 灣仔 / 銅鑼灣 / 大坑, 香港, 美食

☉ 瀏覽次數 : 75

今次介紹位於灣仔嘅高級精緻壽喜燒料理專門店!有唔同嘅招牌日本產黑毛和牛套餐,由料理長精心反覆試驗數十次,研究出最完美嘅前菜、主菜同甜品配搭!

餐廳所屬嘅集團有業界最高品質嘅販賣認證,係香港唯一獲得日本販賣神戶牛許可嘅批發商合作會員,所以餐廳能夠提供最高品質嘅「神戶牛」!佢哋主打嘅壽喜燒套餐以關西風格烹調,引進日本製嘅傳統南部鐵器具,傳承400多年嘅工藝技術,再配上3款頂級食糖、 2款神級醬油同上等日本進口食材熬製4小時而成嘅秘製濃香壽喜燒醬汁,原汁原味展現日本地道壽喜燒料理!仲有專人服務席前烹調以及餐廳日本招待文化「おもてなし」,展現真摰嘅日本款待服務同待客精神。

店內主打日本直送九州鹿兒島自家農場產「野崎牛」,連續兩年榮獲日本「全國肉用牛枝肉共勵会」評審中嘅最高級別獎項,希望客人可以享用最優質嘅日本產黑毛和牛,品嚐到最原始嘅肉汁滋味。嚴格管制牛肉由屠宰切割後到空運過程嘅儲存氣溫及環境,餐廳亦特別採用從日本進口專用嘅刨肉機,以最大程度為和牛保留最原始嘅鮮味、肉汁及彈性。 $579起即可享用日本產黑毛和牛套餐,體驗日本壽喜燒滋味。招牌極上級兵庫縣產特選神戶牛西冷壽喜燒套餐更精選咗日本三大銘柄牛之一嘅神戶牛!

日本產 黑毛和牛套餐 (赤身肉) | $579

日本產嘅黑毛和牛赤身肉係指切割時油脂相對較少嘅部位,同一般供應嘅黑毛和牛套餐部位相比,其肉質較為有咬口,又保留到黑毛和牛嘅豐富油脂,沾上蛋液同時亦能感受到和牛香氣同精華肉汁。


sponsor
sponsor

日本產 黑毛和牛 西冷套餐 | $659

A5品質係指其油花分佈、色澤同紋路等條件都係最高判定嘅和牛品質,所以套餐提供嘅黑毛和牛最大特色係在於擁有完美嘅霜降油花,達至入口即化,因其薄切質地,更明顯感受到黑毛和牛濃郁香氣同呈現黑毛和牛專有嘅甜香同風味。

兵庫縣產 特選神戶牛 西冷 套餐| $1,299

擁有「日本三大和牛之一」之稱嘅特級「神戶牛」,以極嫩滑順口感同和牛香氣濃郁四溢聞名,外表呈現大理石紋理展現出油花平衡嘅極致,入口即融,冇纖維感且質地猶如奶油般滑順肥嫩,冇多餘調味,可謂和牛香之頂尖!

** 因為「神戶牛」來自極其稀有嘅但馬牛品種,數量非常有限,市場上十分矜貴,商戶需要得到 「神戶肉流通推進協議會」 販賣許可,方可以售出。但馬屋集團分公司 「和牛達人有限公司」係香港唯一獲得販賣神戶牛肉許可嘅批發商,同時 SUKIYAKIYA 亦為協議會餐廳會員,因而可供應 100% 真正「神戶牛」予客人享用,享有最高品質販賣認證。

SUKIYAKIYA主打席前壽喜燒套餐,每一份招牌菜單套餐都由料理長精心打造,有廚師長特製嘅精選前菜四品,根據時令新鮮食材而決定當日菜式,主要以酸甜開胃滋味為基調。

主菜採用頂級日本產黑毛和牛,極嫩滑順口感,和牛香氣濃郁,入口即融。廚師長亦精心安排獨特順序食法同汁醬配搭。主打極上壽喜燒醬汁以秘製配方熬製而成,以3款頂級食糖︰三溫糖、上白糖及冰糖以及2款秘密醬油,再配上等日本進口食材如日本產昆布、上盛麵豉同高級清酒等等熬製多達 4 小時,製成濃郁甜香秘製壽喜燒醬汁。客人可以根據自身口味,選擇沾上日本山口縣雞蛋、新鮮青檸汁及山椒、柚子或京都黑七味粉,令和牛肉汁滋味昇華!

精選季節野菜盛合內種類包羅萬有,包括京葱、白菜、蕃茄、蘿蔔及洋葱等等,食材由料理長精選冬季野菜,鮮甜爽脆蔬菜帶來清爽口感,解膩之餘亦承接主打嘅日本產黑毛和牛。

「特A」級嘅日本北海道產夢美人米御炊或日本進口地道讚岐烏冬與和牛壽喜湯汁作完美結合,將剩餘濃郁精華壽喜湯底釀入夢美人米或讚岐烏冬中,享受肉汁以外嘅壽喜湯精華,壽喜燒套餐仲會附上是日甜品作額外驚喜。

壽喜燒以關西風格烹調,先以上等和牛油脂塊煎香鍋面,將日本產黑毛和牛以用中火香煎,直到兩面呈現焦糖色,再倒入壽喜燒醬汁,當和牛熟成度足夠就沾上生蛋液一同食用。

在客人入席後,都會呈上一壺日本「玄米茶」,喺冬天時可以先喝口熱茶讓身體回暖,清新口腔迎接壽喜燒。用餐到尾聲時,享用甜品前亦會換上日本靜岡縣嘅「掛川茶」,自然甘甜,有助消化。除咗茶品質素外,無論服務、器皿或用具 都希望展現最真摰嘅日本款待服務及待客精神,務求擁有身在日本嘅高級和式壽喜燒體驗。

SUKIYAKIYA
地址︰香港灣仔港灣道30號 新鴻基中心2樓2A-1鋪

*以上資訊只供參考,如有任何變化或更改均以現場情況或商戶決定為準*

Klook.com
X