fbpx

【香港】灣仔西班牙酒吧+小食吧!開胃Tapas+必食果酒煮梨!

11 月 4, 2022 | 灣仔 / 銅鑼灣 / 大坑, 香港, 美食

☉ 瀏覽次數 : 373

​位於灣仔船街充滿活力的西班牙酒吧及小食吧BÀRBAR,全場提供50個座位,提供獨特西班牙佳釀及誘人的西班牙美食。

BÀRBAR係西班牙酒吧同西班牙小食吧揉合一身嘅多元化餐飲,提供最多嘅西班牙美酒同單杯裝嘅地方。有唔少美味西班牙小吃同經典海鮮燴飯。

受馬德里同巴塞隆拿等西班牙城市盛行嘅創意新派小食文化啟發,餐廳有全天候嘅美食同酒品,配合落地玻璃窗設計同黑色鐵框作為外牆,提升咗整體採光,引入自然光滲透每個角落,營造優雅寫意用餐氛圍。




餐廳以西班牙酒吧同西班牙小食吧為主導,提供滋味誘人嘅西班牙美食,菜單由開胃前菜到甜品一應俱全。有提供開胃小吃Tapas、西班牙火腿、傳統可供分享嘅菜式等,配搭西班牙酒品。

西班牙小吃Tapas精選推介有加利西亞八爪魚薯蓉(每份HK$138)同Madrid squid bocadillo(每份HK$55)馬德里魷魚三文治。棄用咗法式麵包改用經烤brioche牛油麵包,內裡放滿脆炸魷魚圈同墨汁蒜蓉蛋黃醬。

BÀRBAR仲配備西班牙頂級烤爐Josper Grill,可達到極高溫度,密封式設計有效保留肉類同海鮮嘅水分同鮮味,保持鮮嫩質感同食材原味道。

Josper Grill烤爐美食精選有:Charred leek, cornichon dressing, hazelnut, home cured salmon(每份HK$95)燒韭葱、酸瓜醬、榛子及三文魚,經燒嘅韭葱有淡淡煙燻香氣,並以韭葱身作為容器,用紅菜頭汁、醋、酸瓜同橄欖製成濃郁香醋汁醃製三文魚丁粒,連同榛子放喺韭葱上。

Charred deboned beef rib, roasted pumpkin purée, Mojo Rojo and Mojo Verde (每份HK$288)烤去骨牛肋條、烤南瓜蓉、Mojo Rojo紅醬同Mojo Verde青醬,去骨嘅安格斯牛肋條經過Josper Grill烤爐烤製,牛肉多汁又略帶木炭焦香。

美味西班牙燴飯推介有Pigeon Rice(細份量HK$145;大份量HK$230),加入乳鴿烹製嘅海鮮燴飯,飯粒質地細嫩,仲可額外加配脂香甘滑嘅鵝肝。

愛食甜品嘅朋友,唔可以錯過;Pear braised in Sangria, whipped mascarpone, lime sorbet, almond(每份HK$78),以Sangria紅酒水果酒煮梨,連同Mascarpon芝士、清新青檸雪葩同鬆脆杏仁,優雅又清爽嘅甜品。

除咗提供西班牙雪利酒、手工氈酒等;亦有為Gin & Tonic雞尾酒愛好者預備多款精選,感受草藥嘅甘澀同醒神嘅香辛料。

仲設有多款Sangria水果酒,包括Virgin Sparkling Wine Sangria(每杯HK$62;每壺HK$205),混合西班牙氣泡酒、新鮮果汁、梳打水、水果同少許香料。

BÀRBAR
灣仔船街9號地舖

*以上資訊只供參考,如有任何變化或更改均以現場情況或商戶決定為準*

Klook.com
X