fbpx

【香港】漫遊中環石板街 邊學歷史邊打卡

7 月 30, 2021 | 中環 / 上環 / 西環, 香港, 玩樂

☉ 瀏覽次數 : 650

講起香港著名街道,大家一定唔可以錯過砵典乍街!位於香港島中環嘅砵典乍街係一級歷史建築,街道連接山上嘅荷李活道同埋山下嘅干諾道中,由於皇后大道中至荷李活道一段比較難行,所以用了咗石塊鋪蓋路面,石塊設計成一塊凹下一塊凸起,故街坊稱之為石板街。

石板街除咗歷史悠久,而且仲係多部電影嘅取景地,當中《色戒》、《十月圍城》、《無間道III》、《龍鳳鬥》等等大片都曾經喺呢度取景!

喺舊時,石板街店鋪主要以售賣成衣 、 雜貨 、 文具為主,可以滿足到當時街坊嘅日常所需。 依家石板街兩旁嘅店鋪多數都係酒吧同食肆,打造成一個外國人熱門嘅消遣地方,多姿多彩。




唔少旅客到訪砵典乍街時,都會行多兩步去埋荷李活道,欣賞下中央警處同埋域多利監獄!兩個建築物都富有香港殖民色彩,非常經典。

直至今日,石板街附近仍然保留咗好多舊店鋪,大家可以去打卡同時了解一下香港嘅歷史,係個唔錯嘅體驗!

香港中環石板街
地址:香港中環荷李活道至干諾道中

*以上資訊只供參考,如有任何變化或更改均以現場情況或商戶決定為準*

Klook.com
X