fbpx

【香港】港鐵主題住宿計劃 大量鐵仔打卡位+港鐵特色佈置

1 月 13, 2023 | 香港, 沙田 / 大圍, 玩樂, 親子

☉ 瀏覽次數 : 644

鐵路迷注意! 港鐵首個主題住宿計劃「Railcation 鐵‧渡‧樂」,主題房間內設有港鐵列車造型兒童床、鐵仔掛畫、床單、枕頭、咕𠱸等特色佈置,主題同時延伸至樓層走廊及酒店大堂,切勿錯失打卡機會!

【好消息 : 鐵仔Mascot會喺2023年1月28號(3:30pm-6:30pm)於酒店出現俾大家同佢影相】

除咗多個打卡位之外,住宿計劃亦包含不少互動元素,入住小童可以免費參與互動遊戲,例如模擬考古同樂遊戲、輕觸式互動遊戲等。

預訂住宿計劃嘅住客亦會隨機獲贈精美港鐵主題禮品套裝,當中包括獨家首發、尚未於其他平台公開發售嘅港鐵主題音樂盒,將「Railcation」嘅歡樂同回憶帶返屋企。


sponsor
sponsor

主題客房飽覽城門河景,以港鐵作主題,當然唔少得「車窗外景」,同時房內佈滿咗港鐵鐵仔蹤影,更設有一張港鐵列車造型小童單人床。

入住客人除咗可享用輕盈自助早餐同自助晚餐,更可參與港鐵主題兒童互動遊戲、進入鐵仔主題打卡點拍照,並獲贈精美限定禮品 — 獨家首發港鐵主題音樂盒。

樓層內走廊隨處可見以各個港鐵站為題嘅壁畫,如宋皇臺,亦都有麗豪酒店所位於嘅港鐵沙田站,而酒店大堂內亦設有「港鐵車長室」,呢個特別嘅打卡位只供「Railcation 鐵‧渡‧樂」住客入內拍照。

此外,每房每位兒童均可免費參與濠餐廳喺晚餐時段嘅自創杯子蛋糕體驗,等小朋友發揮創意,親手製作獨一無二嘅杯子蛋糕。

而濠餐廳內嘅自助餐亦將供應一系列造型可愛、打卡一流嘅鐵仔甜品。

另外,酒店亦會有非主題房提供,連鐵仔主題下午茶都係$888

仲會隨餐附送價值$300嘅東鐵綫場景套裝,計返房間加埋下午茶都只係$500,絕對超值~

咁吸引嘅打卡機會,又點可以錯過?

麗豪酒店【Railcation 鐵‧渡‧樂港鐵主題住宿計劃】
入住日期 : 2022年12月1日 至 2023年3月31
地點 : 香港沙田大涌橋路34-36號

*以上資訊只供參考,如有任何變化或更改均以現場情況或商戶決定為準*

Klook.com
X