fbpx

【香港】海洋公園哈囉喂揭幕!鬼屋大門正式打開!

10 月 7, 2022 | 香港, 薄扶林 / 香港仔 / 赤柱 / 石澳, 熱話

☉ 瀏覽次數 : 678

海洋公園哈囉喂全園祭2022正式開啟!10月14日起,可於10個指定活動日參加哈囉喂日與夜派對,玩轉萬聖節景點!仲有嘩鬼表演,主題Glamping等多體驗!

今次哈囉喂有四間驚魂鬼屋!有唔同嘅驚嚇主題等你挑戰!仲可以喺「哈囉喂全園祭」上,首次被「送」到太空,衝出地球,體驗前所未有嘅恐懼!

歷年最大型嘅鬼屋 —「AEON Credit Service呈獻:潛逃太凶艙」,可體驗有別於常人所想嘅太空之旅!喺太空艙內有不明外星生物潛藏,等待時機突襲活人!挑戰者需要通過唔同任務,衝破崎嶇通道同搖晃地面,喺唔同斜坡上行走,甚至爬行,仲需要單獨面對挑戰,超考驗膽量!




而「馬百良葯廠呈獻:惡靈廢墟」將香港經典鬼故活生生重現眼前。係玩家唯一可以使用手機裝置嘅惡靈戰場,挑戰者需喺無人廢墟尋找靈符,封印鬼王!要先從 Apple App Store 或 Google Play下載AiR — Adventure in Reality應用程式,並啟動靈探程式,就可化身成為勇敢探靈家!每日頭44個成功封印鬼王嘅靈探神手,可解鎖「園」宇宙寶物 — 特別版海洋公園哈囉喂AiR元住民NFT。

「秦陵大逃脫」,受詛咒嘅兵馬俑大軍將用特殊神秘力量追捕活人,奔跑求生時仲要格外留神,古墓中危機四伏,秘道錯綜複雜,又有流沙、鐵牢等重重機關,做錯決定隨時跌落坑內被活埋!逃生路線將由參加者全權決定,每個人都可以創造唔同嘅結局。

而「衛訊呈獻:咒偶」就可以探訪被詛咒、令家族厄運連連嘅鬼嬰。踏上豪宅之旅,參觀豪華客廳、卧室、浴室同衣櫥,精緻嘅裝飾品,但隨時致命嘅氣氛令得毛骨悚然!切記唔好亂掂詭異嘅娃娃公仔,否則有可能會發生無法預測嘅可怕事!

而家打開手機仲可隨時隨地歡度萬聖節。喺手機上啟動AiR應用程式,可於今年主打景點「億世家”好盞鬼電器”呈獻:「格」新園宇宙」掃瞄遍布景點唔同角落嘅metaverse gateway,進入虛擬世界,同遊戲角色一同阻止入侵者搞破壞,拯救世界,並與勇者組成打不死強大軍團,挑戰不同任務!

外型高大威猛嘅「哈囉喂南神殿下」同一眾南瓜手下,仲一齊同你「喪」影打卡!哈囉喂仲為大家準備咗一系列舞蹈同音樂表演。每個哈囉喂活動日嘅下午6時30分,鬼門會準時大開,嘩鬼將「凶」群而出,讓恐怖氣氛瀰漫園內每個角落!

想玩得更盡興,可於指定日子參加萬聖節主題Glamping延伸哈囉喂體驗至夜深。優先玩盡四大恐怖刺激鬼屋之餘,更可深入惡鬼化妝中心一暏哈囉喂幕後花絮及一嘗免費畫手部彩繪。入夜後,更會有嘩鬼踩入營地與你大影合照。

「爐炭燒」同「熊貓薈」都有哈囉喂全日祭便當,喺「冰極餐廳」就可享受眼碌碌比薩同哈囉喂小食拼盤等美食,「水都餅店」就有外星人慕絲蛋糕、哈囉喂牛油曲奇等一系列甜品,喺指定餐廳同小食亭可享用妖怪雲端、HW1022同殭屍先生等超值特別版萬聖節飲料!

哈囉喂組合門票驚喜出動

持有海洋公園普通門票即可於2022年10月14日至16日、21日至23日同28日至31日享受哈囉喂日夜體驗(自選付費體驗除外),而購買無限FUN入場證,可於購買日起至2023年3月31日無限入園。

哈囉喂組合景點共有兩款:哈囉喂「屍」家組合景點門票可進入三個指定「哈囉喂全園祭」景點,包括「潛逃太凶艙」、「惡靈廢墟」及「秦陵大逃脫」;哈囉喂「腥」級組合景點門票則可玩齊四個自選付費「哈囉喂全園祭」景點,包括以上三個及「咒偶」。

海洋公園 x AXA 安盛「哈囉喂全園祭2022
日期:2022年10月14日至16日、21日至23日和28日至31日

*以上資訊只供參考,如有任何變化或更改均以現場情況或商戶決定為準*

Klook.com
X