海洋公園由11月12日起，逢星期六指定時段可以免費入場！喺海洋公園欣賞大型光雕同噴泉匯演，仲有現場樂隊及K-Pop表演等，仲可以挑戰啤酒大賽等！

海洋公園宣布推出全新夜間遊園體驗「Chill All Night」，由11月12日起逢星期六晚上6時30分至9時，市民可以免費入場，日間入場訪客亦可以繼續留喺場內欣賞音樂及大型光雕投影匯演！

市民可以觀賞到融合原創音樂同大型光雕投影表演，加上震撼嘅燈光效果同水幕特效「光影頌」，另一個匯演「光影都會」則透過多媒體噴泉投影表演，展現香港歷史、多元文化及大自然之美，用不同角度欣賞這個城市。

除咗大型匯演，海洋公園小食亭、酒吧及遊戲攤位區都有精彩活動，可以挑戰啤酒大賽、味覺大挑戰、現場樂隊同·K-Pop舞蹈表演等。

海洋公園全新夜間遊園體驗「Chill All Night」

日期：2022年11月12日起
時間：逢星期六晚上6時30分至晚上9時
詳情：oceanpark.com.hk

*以上資訊只供參考，如有任何變化或更改均以現場情況或商戶決定為準*