位於新城市廣場附近嘅沙田好運中心，連接沙田街市、沙田中心同瀝源邨，係沙田居民嘅日常生活必到之處。而最近綠色建築議會出版刊物，將好運中心商場嘅翻新設計圖曝光，以木質日系風格設計，預計最快2024年重新開幕！

早前已有多間商店包括百佳、唐記包點等先後結業。設計圖上見到一啲人氣品牌嘅蹤影，「貢茶」、「URBAN COFFEE」等等，唔知係咪日後將會進駐嘅品牌。唔少沙田居民都希望日本人氣超市DONKI、壽司郎能夠藉此機會進駐。

除此之外商場嘅內部都有大改動，設有開放式店舖區，有多個化妝品專櫃、休憩座位等等，停車場亦會進行翻新。翻新由凱達環球 (Aedas)負責設計，最快2024年5月完工重開。

資料來源：Facebook專頁「沙田區Sha Tin District」

*以上資訊只供參考，如有任何變化或更改均以現場情況或商戶決定為準*