平有平食、貴有貴食~
想食到正宗海南雞飯? 其實港九新界都有唔少選擇!
泰式定新馬式嘅都有㗎~ 就等小編為大家嚟個海南雞飯大集合啦!
(排名不分先後~~~)

===========================================
1. 新樂園

藏身於荃灣柴灣角熟食市場嘅新樂園係由泰國人主理~
佢地嘅泰式海南雞飯味道超濃郁呀!
雞皮油潤肥美，食嘅時候仲聞到陣陣雞油味㗎~
難怪連藝人杜汶澤都曾經讚過好食啦!

INFO.
地址：荃灣柴灣角街4號柴灣角熟食市場

===============
2. 栢檔極品海南雞飯

講到海南雞飯又點可以冇佢份？
呢度嘅雞肉真係非一般咁滑！
金黃嘅雞油飯，再配埋三色醬，
真係一試難忘！

INFO.
地址：九龍灣牛頭角道77號淘大商場一期地下G107號舖

===============
3. 海南雞專門店 (太安樓)

唔想外賣但又想平價堂食到海南雞飯嘅話，可以嚟海南雞專門店!
即切即賣嘅海南雞飯，去骨雞件鋪哂喺飯面~
油香十足呀!
難怪午市定晚市都吸引唔少客人嚟幫襯!

INFO.
地址：西灣河筲箕灣道57-87號太安樓地下A32B舖

===============
4. 拿督星馬大飯店

十幾年前開過三間海南雞飯店嘅老闆娘依家喺觀塘熟食中心重出江湖喇!
雖然海南雞未去骨，但勝在雞肉夠新鮮，皮香柔滑~ 好入味呀!
飯亦係用香茅同蔥油炒過，粒粒分明又夠乾身!
每日早上11:30後就開始供應，但好快賣清光，想食就早啲到喇!

INFO.
地址：觀塘海濱道190號觀塘碼頭熟食市場1樓20號舖

===============
5. 西貢金雞海南雞

聽到喺西貢就覺得遠? 唔怕~ 九龍城、荃灣、北角同深水埗都有分店~
佢地嘅海南雞飯係新加坡式嘅~
雞肉一早去咗骨，肉質嫩滑不韌~
怕肥嘅朋友仲可以揀去皮添~ 真係夠細心呀!

INFO.
地址：西貢福民路(食街)34號地舖

===============
6. 文華雞飯

呢度嘅招牌海南雞飯(新加坡式)係採用冰鮮農崗雞~
每日都會準備雞湯鮮熬7個鐘頭，難怪飲落咁清甜!
油飯亦好講究，用咗泰國米、糯米、澳州米混合而成~
連三色醬都係自家製~
雞皮相當嫩滑，入味夠腍身~ 好食!

INFO.
地址：大角咀中匯街17號地下

*以上資訊只供參考，如有任何變化或更改均以現場情況或商戶決定為準*