fbpx

【香港】東鐵「烏蠅頭」列車有望重現灣仔海濱!鐵路迷打卡必到「海港站」!

8 月 9, 2022 | 灣仔 / 銅鑼灣 / 大坑, 香港, 熱話

☉ 瀏覽次數 : 315

東鐵過海段5月中通車之後,俗稱「烏蠅頭」嘅舊款列車退役。「烏蠅頭」日後或者有機會重現,變身成為打卡景點!

發展局近期提交海濱事務委員會嘅文件中指,當局正計劃日後喺灣仔海濱長廊第四期工程中,擺放烏蠅頭列車作保育。據文件模擬圖資料,將擺放兩卡烏蠅頭車卡,車廂內會用作舉辦唔同活動同工作坊。預計2023年底至2024年初峻工,港鐵表示,正籌備新階段嘅「退役列車保 ‧ 傳計劃」,包括同政府部門以及單位商討個別退役列車車廂作公開展覽嘅可行方案,正研究各項技術同安排細節。

根據海濱事務委員會文件,灣仔海濱長廊第四期項目中,現時海濱長廊嘅水上運動及康樂主題區內,將擺放烏蠅頭列車。該區位處紅隧港島出入口旁邊,睇到維港景色之餘,亦提供唔少土地位置,非常適合擺放大型物件。




文件又指,烏蠅頭列車退役後正與港鐵協商,研究喺該處擺放烏蠅頭列車嘅可行性,如果成事,日後可以喺車廂內舉行工作坊等等嘅唔同活動,預料2023年底至2024初完成工程。

文件附上嘅圖片顯示會擺放兩卡車卡,包括一卡為車頭。車廂內外都會設有休憩空間,附近採用車站月台嘅設計,包括時鐘、信號燈,仲會有「海港站」嘅標誌。

資料來源:海濱事務委員會

 

*以上資訊只供參考,如有任何變化或更改均以現場情況或商戶決定為準*

Klook.com
X