大家平時嚟旺角掃街梗係唔少得喇！今日小編我就搵到間高質外賣手卷店！，地理位置優越~好易搵，想知有咩食？即刻睇內文喇！

小店主打各款手卷、刺身、丼飯，每款食物都用新鮮靚料，份量十足！

必試呢款招牌絕對無敵卷，用咗三文魚腩、拖羅蓉做夾心，面層再鋪上帶子同埋黑松露醬。

芝士金龍卷~入面有蟹柳、炸蝦、芝士，面層仲有蟹籽同沙律醬，一啖食落去，超滿足~

如果嗜辣嘅你一定要挑戰呢款地獄粒粒魚生飯，用咗魔鬼辣椒、日本辣椒同埋秘製辣椒醬汁，包你食完辣得過癮！

北海道海鮮丼，有蟹肉、甜蝦、蟹膏、蟹籽、帶子。

手卷推介呢款極邪惡芝士鰻魚手卷，熔岩芝士超邪惡~

仲有加州軟殼蟹手卷，如果大家外賣手卷番屋企食，記住同師傅講要外賣紫菜，咁樣番到屋企紫菜都可以保持脆口。

呢間外賣手卷店仲經常做善事，會不定期有派飯服務，如果大家有需要嘅話都可以上番佢哋Facebook專頁查詢詳情。

無敵卷
地址：旺角上海街436號G及H號鋪
（登打士街24小時惠康正門斜對面）（歐美廣場隔離）
營業時間：星期一至日6pm-3am
電話：5625 3105

*以上資訊只供參考，如有任何變化或更改均以現場情況或商戶決定為準*