呢間位於旺角嘅Cafe，主打東南亞Fusion菜。裝修風格以復古玩味為主，唔似一般Cafe，食物菜式配撘新穎又特別！

掛滿名畫壁燈嘅環境，仲有圓型卡位，超多特別打卡位！有種異國情調之餘仲有復古感。

開胃推薦「青檸凍的蜆」，酸酸少少辣，配埋蜆肉超鮮甜，蜆肉仲勁大粒厚肉！

「火山咖哩」造型特別，上面係炸軟殼蟹，脆餅皮入面係咖喱雜菜！咖喱點麵包同餅皮食都好夾！

「冬蔭功Pizza」蝦非常爽口，冬蔭功味道唔會太酸！

飲品方面玄米士多啤梨奶昔同芒果椰奶沙冰都好清爽唔會死甜，熱飲白癡戀人超濃朱古力味！

甜品方面有超靚嘅「好想去渡假Mini Pancake」，擺盤十足十渡假沙灘一樣！

泰式奶茶蛋糕勁香奶茶味，中間仲有層奶茶布丁！

超特別嘅芒果糯米飯蛋糕，真係有糯米飯㗎！

香蕉煎餅唔會太甜，仲有雪糕同oreo碎喺面，可以夾住生果同mochi食！

泰式奶茶Bagel中間夾住mochi，煙韌又勁香茶味！

𝐍𝐨 𝐌𝐨𝐧𝐞𝐲 𝐒𝐨 𝐋𝐨𝐧𝐞𝐥𝐲
旺角彌敦道700號 TOP, This is Our Place 4樓 406 – 408

*以上資訊只供參考，如有任何變化或更改均以現場情況或商戶決定為準*