旺角呢間點心店一直都人氣高企～即使餐廳有兩層，座位都幾多，但門口長期都排人龍。

店內主打牛肉點心，加上點心足料又抵食，非常受歡迎。

餐廳有多款點心選擇，其中牛肉系列點心係店內人氣之選，包括粟米煎牛餅、香滑免治牛肉腸，乾蒸牛肉燒賣皇等等。

除咗牛肉點心，其他點心味道都唔錯，每日都會有唔同款式嘅老火湯，細碗都只係6蚊一碗，好抵食。

店內都有幾款特色點心，推介蜜瓜炸鮮奶/芥末沙汁三文魚春卷。

必試乾蒸牛肉燒賣皇，好香牛肉味，食落爽彈惹味～

竹炭溶岩奶皇包都值得一試，有淡淡嘅竹炭甘香，奶黃鹹香留心，幾正～

喜惶點心專門店
地址：旺角通菜街17號地下

圖片來源：@hkfoodtalk、@hkpoor_foodie

*以上資訊只供參考，如有任何變化或更改均以現場情況或商戶決定為準*