三代目Sandaime登陸荃灣啦！新店推出多個限定新元素同產品，仲有全新手搖茶品牌三茶San Tea進駐！新店仲有限定外帶燒肉同涮涮鍋套餐，在家就嘆到現燒喜之次、鰻魚拼白鱔、安格斯牛小排！新店仲有限定兒童餐送玩具！

招牌每日自家熬製超過10小時嘅豚骨湯拉麵，濃厚湯底！仲有特色一口壽司飯同唔同和式美食！

三代目新店首次同全新手搖茶品牌三茶合作，除咗外賣，喺店內店外都可以飲到佢哋嘅茶飲，當然仲有各式酒類，好似日本生啤、清酒、梅酒、威士忌等等！

三茶4款主打茶葉分別有「茉莉綠芽」、「四季春」、「大紅袍」同「白桃烏龍」。除咗純粹茶系列外，仲有鮮果茶、奶蓋茶、奶昔等選擇，一邊品茶，一邊嘆居酒屋美食，真係超特別！

三代目有齊傳統居酒屋嘅串燒、燒物、炸物、沙律、主食同酒品。主打自家製豚骨湯頭拉麵，湯底以10個鐘熬製嘅雙湯頭形式炮製，以大量豬背骨、豬手、豬皮熬製出濃湯再混合以大量筒骨、雞腳、蔬菜熬製嘅骨膠原濃稠湯底。佐酒必叫即叫即製燒物，小編大推味噌甲羅燒！

燒肉丼飯同天婦羅拼盤亦唔錯。另一推介佢哋自創嘅料理一口壽司飯！

新店仲有限定外帶燒肉同涮涮鍋套餐，低至$428起，就可以試到 2-3人份量嘅日本燒肉或涮涮鍋，在家燒肉或海鮮，或者享用即日鮮製湯底涮涮鍋，有海鮮六品盛或六品盛肉拼盤俾你揀。

D‧PARK係新界西地標親子商場，三代目D‧PARK新店亦推出限定兒童餐，凡惠顧兒童餐仲送精美玩具，有芝士條、餃子、和風炸雞、叉燒拉麵等等食物，加埋驚喜小玩具，小朋友一定鐘意！

三代目Sandaime 及 三茶San Tea

地址：荃灣青山公路荃灣段398號愉景新城1樓 1064-1065號鋪

電話：6333 8019

營業時間：星期一至五 11：30 – 22：00 | 星期六日及公眾假期 11：00 – 22：00

*以上資訊只供參考，如有任何變化或更改均以現場情況或商戶決定為準*