fbpx

【香港】新加坡小魚尾獅Merli主題Staycation!新加坡美食+曲奇工作坊!仲有水上遊戲!

7 月 1, 2022 | 香港, 屯門, 玩樂

☉ 瀏覽次數 : 745

香港黃金海岸同新加坡旅遊局合作,推出「重新想像新加坡夏日奇趣之旅」,有新加坡旅遊局吉祥物小魚尾獅Merli喺黃金海岸帶領大家走訪多個新加坡人氣旅遊熱點,一齊打卡!認識新加坡!

以新加坡小魚尾獅Merli為主題嘅住宿,成間房都係可愛活潑嘅小魚尾獅Merli,入住香港黃金海岸酒店「重新想像新加坡夏日奇趣之旅」,仲有Merli精美紀念禮品乙套!酒店大堂仲有多個打卡位同未尋找Merli嘅互動尋寶遊戲,小朋友實玩得開心!




Staycation仲有Merli曲奇工作坊,小住客可以學整Merli曲奇餅,仲有互動尋寶遊戲:喺黃金海岸酒店內搜尋八隻唔同造型嘅Merli,掃瞄二維碼。完成回答每條Merli問題,就可以喺酒店大堂Lobby Shop換領新加坡旅遊局送出嘅紀念品乙份!

每年嘅8月9日係新加坡國慶日,8月仲係一年一度新加坡美食節。香港黃金海岸酒店嘅沙嗲軒喺 7月1日 至 8月31日 期間嘅周末同公眾假期,就推出Merli新加坡滋味下午茶,匯集九款新加坡著名嘅鹹甜小食,包括小金杯(Kueh Pie Tee)、辣椒蟹肉醬配炸饅頭、彩虹糕(Rainbow Kueh Lapis)、班蘭椰絲卷(Kueh Dadar)等。凡享用 Merli新加坡滋味下午茶,仲可以獲得Merli環保袋乙個。

8月1日至31 日,沙嗲軒就會推出「新加坡57周年國慶日美食慶典」二人晚宴,一次盡嚐新加坡風味。特色頭盤以招牌黃金脆魚皮拼沙嗲豬肉及雞肉,仲有傳統肉骨茶。主菜有椰香咖哩牛腩配絲苗白飯或招牌海南雞配油飯,仲有麥皮牛油大蝦、蒜蓉鹹魚炒芥蘭同斑蘭蛋糕伴椰子雪糕!

Merli同好友Chomp Chomp、Marina、Jewel同D65喺香港黃金海岸酒店中庭等緊大家一齊打卡!

3米高Merli現身酒店嘅廣場,同場仲有夏日繽紛戶外水上充氣遊戲!

黃金海岸商場仲有4米高嘅充氣Merli,記得去打卡!

於黃金海岸商場同黃金海岸酒店餐廳以指定電子貨幣消費滿港幣 500元或以上,憑最多 2張商舖發出之機印發票同付款存根,即可換領小魚尾獅Merli公仔 (30 cm) 乙個。

 

香港黃金海岸酒店

地址:香港青山公路 1 號

 

*以上資訊只供參考,如有任何變化或更改均以現場情況或商戶決定為準*

Klook.com
X