香港有唔少特色飲食文化，當中嘅冰室文化可以話係代表！其實冰室起源於廣州，喺1950-1960年時代流行於香港，當時冰室只可以賣飲品、小食，後來有唔少香港冰室改領餐館牌照，轉型為茶餐廳。所以話，其實冰室就係茶餐廳嘅前身。

https://www.instagram.com/p/COpbUACrfQs/

位於銅鑼灣百德新街嘅「喜喜冰室」以懷舊風特色為賣點，除咗食物，就連餐廳裝潢都打造到好似舊式冰室一樣！門口路牌、霓虹招牌、露天雅座等等嘅設計都好有香港特色，令到好多人專程去打卡。店外更擺放咗乒乓波枱，十足舊香港嘅屋邨設施，食客可以齊齊玩，好似時光倒流一樣！

https://www.instagram.com/p/B2iF-MYj3p1/

而冰室最吸晴嘅打卡位就係「小型巴士十四座」嘅四人座位，模仿咗小巴座位設計，食客可以一邊坐喺「小巴」上，一邊食茶記，感受滿滿香港風情！而餐牌就模彷咗舊式習作簿，店內亦放咗好多充滿香港特色嘅復古擺設，玩味十足。

https://www.instagram.com/p/B2tN0tKh3aZ/

大家去冰室記得要飲凍奶茶、紅豆冰等等傳統美食，食物方面可以試吓西多士、常餐等等，一齊體驗吓舊香港嘅飲食文化啦！

喜喜冰室
地址︰銅鑼灣百德新街57號Fashion Walk地下C&D號舖

*以上資訊只供參考，如有任何變化或更改均以現場情況或商戶決定為準*