fbpx

【香港】鏡粉心思思想買新電話?!Galaxy免費體驗計劃俾你先試後買!唔洗諗咁多!試清楚先買返屋企啦~

5 月 20, 2022 | 香港, 熱話

☉ 瀏覽次數 : 829

Samsung最近推出咗新計劃,心大又心細嘅你就最適合啦!Galaxy免費體驗計劃可以俾大家先試機後買機,試過合心水先俾錢買!計劃仲超方便勁簡單添!

喺5月20至6月30日期間,只要登入報名網站,揀想試用嘅產品,填寫資料後揀埋取機日期,去到選擇嘅中環或尖沙咀Samsung專門店,出示返QR Code同繳付返按金就可以試機啦!

Samsung Galaxy Z Flip3  – MIRROR特別版手機殼




如果你係鏡粉就更加要留意,即日起至05月31日,透過計劃試用過Galaxy Z Flip3 之後即刻購買,仲可以獲贈限定MIRROR特別版手機殼!(建議零售價港幣$509)

Samsung Galaxy Z Flip3的MIRROR特別版手機殼,有齊12子!以唱片封套為設計,印上MIRROR標誌,仲有鏤空標誌設計,從鏤空位置透出MIRROR字句,成個應援燈牌一樣!日日可以對住鏡仔之餘,仲咁有心思,鏡粉必搶!

呢個計劃可以試用Galaxy Z Flip3、Galaxy Z Fold3、Galaxy S22 Ultra、Galaxy Tab S8 Ultra共4個型號嘅產品,連埋取機日一共可享受5日嘅試用期。

試用完覺得啱?!帶返試用機去專門店買新機就得!仲有專人幫你轉移埋資料去新手機到無縫轉換!

即睇4部產品有乜特別啦!

Galaxy Z Flip3

摺疊手機Galaxy Z Flip3嘅Flex Mode可以就咁放喺檯上,簡單做到Hands-Free Camera嘅效果,加埋手掌手勢拍攝功能,咁就冇人幫手都影到靚相啦!

呢部手機仲有1.9吋嘅輕觸式機面屏幕,可以依自己嘅喜好喺機面打造具個人特色嘅封面,仲唔洗打開主屏幕都睇到訊息等等嘅資訊同聽到電話!用主鏡頭自拍果陣仲睇到拍攝畫面添!

Dual Preview嘅功能仲可以應用喺朋友幫手影相嘅時候,機面可以同時顯示喺主鏡頭嘅畫面,就算人地幫手影相都知點擺pose先靚啦!

機面屏幕嘅Quick Shot自拍功能都好方便,輕控兩下電源鍵,就可以快速開啟相機拍攝,成班朋友影相就最啱!

Galaxy Z Fold3

摺疊手機仲有另一款更大屏幕嘅Galaxy Z Fold3 ,大屏幕嘅佢,配備屏下鏡頭,就算睇片定係打機都好,都唔會俾鏡頭遮擋畫面。

超大屏幕仲可以同時開到三個視窗,zoom住上堂mark筆記又得,仲可隨時轉換視窗方向、大小同擺位,去旅行Plan行程都好啱洗!

Galaxy Z Fold3仲係首部支援S Pen嘅摺疊屏幕手機,可以用S Pen寫筆記、畫圖、加入插圖、cap圖等等。摺疊模式時,上方播放影片,下片就可以開住Samsung Notes,用S Pen mark筆記同畫圖,在家工作超方便!

Galaxy S22 Ultra

強大嘅夜拍功能係Galaxy S22 Ultra嘅賣點,低光下仍能拍到超清晰嘅影像!採用2.4微米嘅像素感應器,捕捉到更多光線同細節,優化到影片嘅明暗同內容。仲可以透過自動多幀處理同AI弱光拍攝令喺極弱光嘅情況下都能令影像更細緻。就算影夜景都一樣咁靚!

人像模式都一樣咁厲害,細緻到每條頭髮都清晰見得到!唔會痴背景,影寵物都一樣,毛髮唔會痴底~勁立體!Studio Lighting功能仲可以調節相片嘅燈光,勁容易就影到影樓Feel嘅相!人像模式亦有Nightography,夜晚一樣清晰。

仲有內置嘅修圖功能,可以擦走物件。就算去到邊打卡,週圍幾多人都好,影到無人之境!

Galaxy S22 Ultra係Galaxy S系列首次內置S Pen㗎!寫嘢就更方便啦!

Galaxy Tab S8 Ultra

擁有14.6吋特大尺寸屏幕嘅Tab S8 Ultra,係有史以嚟最大屏幕尺寸嘅Galaxy Tab S。特大屏幕睇片煲劇都開心啲啦!

利用Samsung嘅Quick Share功能,勁快就可以喺Galaxy裝置之間傳送大量照片、影片等等檔案。

仲可以用LumaFusion嘅編輯工具嚟剪片,用埋跟機嘅S Pen剪接就更方便!支援編輯4K影片,將拍攝同剪輯嘅功能集一身。

 

報名網站:

www.samsung.com

*以上資訊只供參考,如有任何變化或更改均以現場情況或商戶決定為準*

Klook.com
X