第六代山頂纜車將於8月27日隆重登場！香港其中一個最受歡迎嘅旅遊景點即將以全新面貌亮相！新一代山頂纜車承載現代經典設計概念，配備新嘅總站同升級設施！

山頂纜車之前進行咗耗資港幣7.99億元嘅升級發展計劃。包括更換動力、控制及信號系統、纜索、軌道，以及翻新中環同山頂纜車總站，配合載客量更大嘅新纜車。擴建後嘅中環總站室内候車區可容納多達1,300人。月台同車廂地台嘅高度一致，就更方便殘疾人仕使用。

乘客候車時間大大縮短超過七成之外，仲可以喺中環總站享受全新視聽娛樂體驗，五大體驗區域包括：無限之眼、躍動的心、經典重現、穿梭時空同太平山的綠色寶藏。

無限之眼

由澳洲華裔藝術家李林迪女士創作、高度逾10米的雕塑作品《無限之眼》會喺中環纜車總站入口作開放展覽。作品受香港嘅飛躍精神所啟發，呈現不斷變化嘅燈光效果。

以聲音同影像展示山頂纜車由1888年至2022年期間之車廂、動力及運作系統嘅演變，介紹每個時期嘅纜車設計及運作模式。

第一代山頂纜車複製品

透過超寬闊同高畫質螢幕，影片用上「視差捲動」技術重現山頂纜車起源，帶領遊客重溫香港同山頂纜車過去一百多年重要歷史時刻。

環繞式影像為遊客帶來沉浸式體驗，感受置身太平山多樣化動植物嘅超現實世界中。探索山頂上野生動物、雀鳥及昆蟲，體會太平山嘅日與夜。

為感謝香港市民喺升級工程期間支持，山頂纜車開幕階段將推出一連串優惠予香港市民，包括快閃網上優惠及感謝香港通行證。山頂纜車亦推出售價港幣 428元嘅限量版「超級粉絲套裝」 。

即日起至開幕前一天，山頂纜車 + 凌霄閣摩天台428入場票成人來回HK$88（原價HK$148），單程HK$73（原價HK$122）。開幕日至10月30日就有感謝香港通行證優惠，山頂纜車 + 凌霄閣摩天台428入場票成人來回HK$99（原價HK$148），單程HK$82（原價HK$122）。

山頂纜車總站

*以上資訊只供參考，如有任何變化或更改均以現場情況或商戶決定為準*