異國風情同寧靜環境的確令人心情放鬆，Le Bristol就可以帶俾你咁嘅FEEL！餐廳開業19週年紀念，推出咗二人餐！只需$1,088，就可以歎到正宗法國菜！

Le Bristol位於屯門黃金海岸，日間景色優美，黃昏時有日落遊艇海景，晚上氣氛浪漫，絕對係情侶拍拖、求婚勝地！場內仲有多幅藝術畫，古董吊燈，濃濃法國風情，頸多打卡位！

餐廳2003年開業，今年19週年紀念，7月推出優惠，二人餐只需要$1,088仲送餐酒！頭盤有海鮮拼盤，南非生蠔、加拿大長腳蟹、加拿大翡翠螺同新鮮海蝦！

前菜有傳統法國菜香煎鵝肝，油香十足，另一前菜推介法式迷你冷盤，有三種來自意大利嘅火腿配哈密瓜。

主菜總廚就推介大家試炭燒美國自然黑牛肉眼扒，以真‧炭燒的方法，用高溫將肉眼扒肉汁鎖緊，肉質鮮嫩！濃濃牛肉味！

炭燒美國自然黑牛肉眼扒，以真‧炭燒的方法，用高溫將肉眼扒的肉汁鎖緊。

主菜亦可轉為香煎三文魚配香草白酒忌廉汁，選用來自挪威嘅野生三文魚，更為嫩滑，配上香草白酒忌廉汁，口感更為Creamy。

餐廳仲有好多必食之選，酥皮龍蝦湯就係其中之一。炒香嘅大量龍蝦頭，加入唔同香料同白蘭地酒熬煮足3小時去完成，加上香脆酥皮。而法式洋葱湯，則需45分鐘，將洋葱由白色炒到金黃色，再加入雞湯同法式芝士焗成，鮮甜又香濃。

鮮蝦牛油果水牛芝士沙律亦唔錯，新鮮海蝦配上牛油果，爽脆海蝦加上軟滑牛油果，水牛芝士味道偏淡，食落清新！

傳統法式油封燒鴨腿配酸梅汁亦是推薦之二，用豬油慢火浸鴨腿4小時，再用24小時降溫，放入雪櫃一日，令鴨腿變軟，再用350—400度燒焗25分鐘，令鴨腿外脆內軟，唔會油膩，成個製作過程超過50小時，絕對係心機之作！每日限量十隻，記得訂位時預留埋！

另一款的主菜，古法燒西班牙豬腩仔配蜜糖香桃汁，係市面上少見，豬腩仔部位口感更好，先用8款唔同香料醃製12小時，辟走豬騷味，再燒40分鐘，配上蜜糖香桃汁，味道更有層次！

Le Bristol 法國飯店
電話：24309929
地址：屯門黃金海岸商場地下R5號鋪
營業時間：星期一至五 12:00-22:00
星期六/日/公眾假期 08:30-22:00

*以上資訊只供參考，如有任何變化或更改均以現場情況或商戶決定為準*