屯門有間新開Cafe，以和風木系裝修為主，仲設有滿滿渡假風嘅打卡鞦韆椅！去開屯門嘅朋友唔好錯過！

Cafe以沐浴咖啡為名，屯門係佢哋嘅分店，總店設喺天水圍，而天水圍總店仲特別有張特製浴缸檯！

屯門店則以渡假風裝修為主，同朋友家人一齊嚟食野Chill下～感受下渡假風！

食材用料新鮮，海鮮方面相當鮮甜，時令生蠔來自南非，SIZE唔細之餘仲好有蠔味！

餐廳仲主打唔少用料嚟自日本嘅串燒，小編推薦白鱔（$68）同牛舌心（$98）！白鱔皮燒得香脆，亦唔腥，有魚嘅香氣！牛舌心肉嫩超正！

另一必食推介燒茄子（$38），師傅表示每條都係即叫即燒，而且係生燒！燒足15分鐘！用足心機！

北海道烏賊筒（$78）

日本阿波尾羽手（$58）

佢哋嘅甜品都係必食之選！師傅師承五星級酒店，味道超正之餘，造型都十分打卡！呢款浴缸Tiramisu（$68）係必叫之一！

小編亦大推呢款蘋果批（$68），咬落去蘋果粒粒分明之餘仲酸甜平衡得剛剛好，配雪糕食一凍一熱超正！師傅亦特意唔加入玉桂，遷就港人口味！蘋果批仲可以原個訂走！

食完野再歎返杯咖啡咁就完美啦！

Bath Cafe
屯門店：屯門海皇路23號, 御海灣5,6,7號地鋪
天水圍店：天水圍濕地公園1期6座地下9號鋪

*以上資訊只供參考，如有任何變化或更改均以現場情況或商戶決定為準*