fbpx

【香港】尖沙咀老字號西班牙風情餐廳,必試期間限定30週年menu

4 月 1, 2022 | 尖沙咀 / 佐敦 / 油麻地, 香港, 美食

☉ 瀏覽次數 : 4877

今次介紹呢間西班牙餐廳開業已經三十年,可以話係西班牙菜嘅經典老字號!餐廳環境同佈置都特具西班牙風情~

感覺好似身處西班牙小鎮餐廳~坐喺室外座位打卡影相一流!

為咗慶祝30週年,餐廳推出期間限定餐牌,留意返,如果想試期間限定餐牌需要提早3日預訂。




除咗可以揀餐牌嘅菜式,都可以試下廚師發辦,大廚會採用當季嘅食材去做配搭,令到客人可以獲得更有新意嘅美食體驗。

香煎鵪鶉腿,鵪鶉腿好少地方有得食,口感好嫩滑,都幾惹味~作為餐前小食飲返杯就啱晒啦~

西班牙黑毛豬肉丸,肉丸採用黑毛豬,口感鬆軟,配上湯汁好滿足。

香煎蟹肉餅,可以食到啖啖蟹肉,配上紅椒杏仁醬,香辣惹味~

海鮮麵包筒,中間餡料食落好似龍蝦湯,配上豆蓉,蘋果,口感豐富又清新。

慢煮牛肋排配野菌,呢道菜好出色,牛肋排軟嫩但又有咬口,唔會覺得肥膩或者太韌,牛味濃郁,配上野菌汁好鮮美。

自家製芝士餅配西班牙油條及油漬水果:最後食埋個甜品就perfect啦~cheese cake味道香濃,配上香口西班牙油條,好味。

餐廳環境闊落~夜晚選擇室內座位,更有浪漫氛圍~

EL CID西班牙餐廳

地址:尖沙咀天文台道諾士佛臺14號地下

*以上資訊只供參考,如有任何變化或更改均以現場情況或商戶決定為準*

Klook.com
X