位於尖沙咀金巴利街附近嘅一人小店，全店只有老闆負責煮麵收檯出餐，所以店鋪都比較細，店面都只係得3張檯，大家如果都想食好嘢就要比啲耐性喇～

小店都只係賣三款麵，海蝦濃湯伊麵、金華火腿煲雞濃湯伊麵就係主要口味，另外一款就係限定湯底，有時係胡椒豬骨湯底，有時就係番茄牛肋骨伊麵，而每碗麵都會配上Roasted Beef 煙燻灸燒牛肉，仲有海蝦牛肉漢堡。

海蝦濃湯，湯頭飲落非常鮮甜，好濃郁蝦味～鍾意重口味嘅你揀呢款就啱晒。

金華火腿煲雞濃湯，呢款湯底啱晒各位女士，飲落已經feel到個口有漿漿哋，不過味道都係偏濃。

番茄牛肋骨，湯底就酸酸甜甜，帶點牛骨湯鮮甜味～

煙燻灸燒牛肉係呢度嘅點睛之筆，牛肉燒到半生熟，放入啲湯度浸熟嚟食，口感食落好軟腍。

海三碗麵
地址：尖沙咀金巴利街1D-1L號地舖
營業時間：12:00-22:00

圖片來源：@hktablefor2、@ffoodlibraryy、@pieee

*以上資訊只供參考，如有任何變化或更改均以現場情況或商戶決定為準*