觀塘向來都有唔少美食～
打工仔無論係放lunch、定係收工想喺觀塘食餐好嘅，其實都有好多選擇！
無謂港式、台式、韓式等美食都有，
小編為大家精心挑選6間必食餐廳～
一齊睇吓有邊幾間啦！
(排名不分先後～～～)

===========================================

1. 哈豆
呢間台式餐廳係由台灣人主理，講到必食嘅一定係豐盛台灣牛肉麵！
麵條口感唔錯，食落幾煙韌！
除咗牛肉之外，仲有花枝丸同貢丸～
湯底甜中帶微辣，味道好特別～
皆因老闆用咗牛腱、牛骨同藥材等熬製超過8小時而成，誠意十足呀！

INFO.
地址：觀塘駿業里6號富利工業大廈3樓A室

圖片來源：@sik6sak1mai5

==================================

2. 龍城冰室
冰室美食一向都係唔少香港人嘅至愛！
呢間冰室嘅瑞士雞翼撈公仔麵絕對係必食！
雞翼超入味，充滿瑞士汁精華！公仔麵亦爽口彈牙！
套餐仲配埋牛乳炒蛋，又香又滑～～
加埋新鮮熱辣嘅奶油豬仔包，真係好滿足啊！

INFO.
地址：觀塘駿業街56號中海日升中心地下A號舖

圖片來源：@hkfoodie_bobo

==================================

3. 雲南啊老表黑山羊湯鍋米綫
米線就食得多，但講到羊肉米線就真係唔係周圍都有得食！
呢間米線小店唔算好出名，但只要你鍾意食羊肉，一定要過嚟試！
湯底帶有羊油，一上檯已經覺得好香！
米線煮得啱啱好，軟硬適中～
至於羊肉份量亦好足，而且一啲都唔羶～
食落肉質鮮嫰～高水準啊！

INFO.
地址：觀塘鴻圖道90號1樓

圖片來源：@dr.food.hk

==================================

4. 合十
近年愈開愈多cafe，就好似呢間以帳蓬為主題飾置～
仲可以喺露天座位享受美食，令人好似渡假咁！
呢份巨型豬扒配薯菜值得一試！
肉質juicy，而且仲好大份，超滿足呀！

INFO.
地址：觀塘巧明街117號港貿中心2樓201號舖

圖片來源：@fusiontenshk

==================================

5. 高興
呢間充滿懷舊港式風Cafe嘅檸檬酸忌廉楓糖班戟亦係必食！
一上檯已經聞到陣陣檸檬香，真係好清新！
鬆餅口感鬆軟，伴碟仲有酸忌廉、楓糖同原塊鮮檸檬～
食落酸酸甜甜夠哂開胃！
約埋三五知己上嚟嘆甜品就最好不過喇！

INFO.
地址：觀塘成業街19-23號成業工業大廈地下2號舖

圖片來源：@hkfoodmood

==================================

6. 小火焰韓式咖啡廳
香港有大大小小嘅韓國餐廳，但講到高質又抵食嘅，又點少得呢間！
佢嘅熔岩芝士炸雞麵包真係好受歡迎，幾乎每檯客人必叫！
農夫包裡面有黃車打芝士、水牛芝士同忌廉芝士～
不停拉～不停拉，每件炸雞都捲上勁多芝士！超邪惡！
仲有沙律同墨西哥脆片作為伴碟，食落唔會咁單調！正！

INFO.
地址：觀塘觀塘道410號觀點中心1樓1號舖

圖片來源：@foodie_hkpig

==================================

７.　海潮食堂

呢個葱花烘底蛋治平時好少食到 !
佢地嘅蛋治係用雞蛋加醃過嘅葱花炒成滑蛋～
烘底之後外脆內軟，香氣四溢！
仲食到葱花嘅鹹香添～
加錢仲有煙燻芝士，邪惡感十足！
但食落你就知，真係「寧舍不同」㗎！

INFO.
地址：觀塘成業街19-21 號成業工業大廈地下 G6 號舖

圖片來源：@hoichiu_kt

==================================

8.　駿運士多

觀塘人氣燒賣，燒賣關注組大力推介～ 每粒都只係$1/粒！

店內有兩款燒賣，包括魚肉燒賣及豬肉燒賣

豬肉燒賣都唔錯～口感比較豐富，有馬蹄粒同豬肉。

INFO.
地址：觀塘駿業街60號地下

圖片來源：@eatwithjojohnny

==================================

９.滾餃

呢間觀塘嘅手包餃子店，由網店轉為實體店~店內有多款特色口味餃子~
湯餃同煎餃都可以揀雙拼~ 湯底係豬骨湯，比較清淡。推介兩款口味：蒜心鮮蝦豬肉餃同黑松露芝士豬肉餃！
共有7款口味餃子，仲有多款冷盤小食~

INFO.
地址：觀塘開源道60號駱駝漆大廈3座9樓K室

圖片來源：@hkfoodlife.kj、@852hkfood

*以上資訊只供參考，如有任何變化或更改均以現場情況或商戶決定為準*