fbpx

【香港】小編午餐/晚餐推介!7 間灣仔必食餐廳大集合

4 月 26, 2022 | 灣仔 / 銅鑼灣 / 大坑, 香港, 美食

☉ 瀏覽次數 : 71

灣仔作為港島區嘅中心位置,餐廳當然係數之不盡啦!
每次到咗午餐/晚餐時候,相信有唔少人都會好頭痛~
因為又要諗食乜!
唔洗煩~小編為大家精選 7 間必食餐廳,
全部高水準,包你話好食啊!
(排名不分先後~~~)

===========================================

1. 旺記冰室
呢間冰室嘅滑蛋叉燒飯相當好食~
採用日本雞蛋同牛乳去炒嘅滑蛋~
仲有半肥瘦叉燒,同埋超爽口嘅蝦~
而煮出嚟嘅飯亦粒粒分明,每一啖都食到蛋汁!!
配埋甜豉油食仲正,好食到停唔到口!

INFO.
地址:灣仔謝斐道142號建利大廈地舖

===========================================

2. 新景園咖喱小廚
呢度嘅港式咖哩豬扒飯真係好出色!
咖喱呈金黃色,食落帶微辣,撈飯一流!
仲有份量十足嘅豬扒!又香又酥脆~
一定食得飽!

INFO.
地址:灣仔春園街20號




===========================================

3. Omotesando Koffee
灣仔有一間充滿格調嘅Cafe都好值得介紹!
唔講唔知,佢係嚟自日本表參道咖啡店嘅海外分店~
其中呢款2cm超厚玉子三文治絕對係人氣必食!
蛋採用半蒸半焗,亦加入咗鰹魚汁嚟煮,難怪蛋香濃滑!
仲食到少少芥末,味道好特別啊!

INFO.
地址:灣仔皇后大道東200號利東街G24-25號舖

===========================================

4. 牛壹台食
想食台灣菜?一碗熱辣辣嘅牛肉麵你啱唔啱?
呢度主打牛肉麵,除咗紅燒之外,仲可以揀川味麻辣同特濃鮮茄!
湯底濃,份量十足!麵底仲有幾款選擇!
唔食牛肉都可以揀滷肉飯㗎,味道一樣唔錯!
全日套餐包一款主食同飲品,想豐富啲仲可以追加小食~
下次經過不妨嚟試吓啦!

INFO.
地址:灣仔蘭杜街4號文熙大廈地鋪

===========================================

5. 樂景快餐店
講到港式快餐店,灣仔都有一間!
呢度嘅傳統港式漢堡包一直都有唔少街坊嚟幫襯~
其中呢款芝士漢堡包人氣相當高!
即叫即做,新鮮熱辣!麵包外脆內軟~
漢堡扒更加係超juicy!加埋煎蛋仲滋味呀!

INFO.
地址:灣仔巴路士街17號地舖

===========================================

6. 貓之眼
呢間蛋包飯專門店又點會唔係大家午餐/晚餐嘅選擇之一呢?
佢嘅三色蛋包飯出面食唔到~~
中間係蛋包飯,蛋超滑!
兩邊分別係濃茄牛肉,同埋咖喱牛肉,撈汁食好正!
順帶一提,餐廳嘅手打漢堡牛肉亦好出名,每日限定~
有機會下次嚟試埋啦!

INFO.
地址:灣仔汕頭街25號地舖

===========================================

7. 新泰東南亞餐廳
鍾意食泰式美食嘅朋友,咁一定要嚟呢間餐廳!
呢度環境寬敞,一大班朋友嚟食都唔洗等好耐就有位~
除咗平時食到嘅泰國菜之外,呢款越式燒春雞釀香茅黄飯亦高水準!
原隻燒春雞上檯,裡面係勁香口勁濃郁嘅黃飯!
重點係燒春雞皮脆肉嫩,必食啊!

INFO.
地址:灣仔大王東街21-23號興旺閣地下至2樓

 

===============

放假去邊 更多好介紹:
快啲like我哋Facebook
同follow我哋Instagram啦!

*以上資訊只供參考,如有任何變化或更改均以現場情況或商戶決定為準*

Klook.com
X