fbpx

【香港】小編午餐/晚餐推介!7 間深水埗必食餐廳大集合

5 月 15, 2022 | 深水埗 / 長沙灣, 香港, 美食

☉ 瀏覽次數 : 2163

無論你係住喺深水埗,定係喺深水埗返工,
應該都知道呢區有唔少好嘢食!
但咁多間唔知邊間好食?
就等小編為大家推介7間深水埗高CP值嘅必食餐廳啦,
由港式到西、日式都有㗎!
(排名不分先後~~~)

===========================================

1. 文記車仔麵
福榮街有一檔車仔麵,只要係深水埗地膽,你一定食過!
呢度有超過50款配菜,連麵底都有十幾款,選擇超多~
小編至愛推介:瑞士雞翼、白蘿蔔、豬大腸、金錢肚、牛腩、豬手、辣魷魚,超高質!
值得一提,佢嘅湯底亦係自家製!
沙嗲湯底同瑞士汁湯底一樣咁正!必試!

INFO.
地址:深水埗福榮街121號地下

==================================

2. Burgerman
周圍都有漢堡專門店,深水埗亦有!
呢間小店出品嘅黑松露和牛漢堡亦係真材實料!
和牛好大塊,煎到七、八成熟左右,咬落口好juicy~
仲有煎蛋+微溶芝士帶出鹹香味,真係好食到停唔到口!

INFO.
地址:深水埗欽州街65-71號地下




==================================

3. 劉森記麵家
呢間老字號嘅蝦子麵相信係唔少香港人嘅童年回憶~
蝦子鋪滿成個撈麵~
金黃色嘅傳統竹昇麵食落好爽口,鹼水味亦唔重~
再配埋薑蔥同適量豉油去調味,一試難忘!
檯上嘅自家製醃蘿蔔亦係要試!
酸酸甜甜,仲好爽脆,好食到上癮啊!

INFO.
地址:深水埗桂林街48號地下

==================================

4. M.Y Majesty
呢間Cafe嘅意粉大大碟好抵食,絕對係窮人恩物!
唔係講笑~細食嘅朋友兩個人share都夠飽!
除咗主食意粉之外,
仲有提供墨西哥捲餅、牛角酥、雞翼、芝士波等小食㗎!

INFO.
地址:深水埗福華街15號地舖

==================================

5. 新香園(堅記)
深水埗有一間出哂名食蛋牛治嘅茶記!
牛肉餡係用新鮮免治牛肉製成,足料有咬口!
雞蛋唔會煎得太老,有蛋汁喺入面!鍾意滑啲可以轉滑蛋!
仲有好香嘅牛油味~
記得要叫埋烘底,脆卜卜好好食!
只此一間!就在深水埗!

INFO.
地址: 深水埗桂林街38號A地下

==================================

6. 番茄師兄
呢間餐廳喺深水埗屹立不倒,
仲喺其他區開咗分店,就當然有佢嘅原因!
新鮮閹牛又嫩又滑~
而以牛骨熬製而成嘅番茄湯亦相當濃稠,仲帶點洋蔥香~
味道酸中帶甜,清新又開胃!

INFO.
地址:深水埗基隆街255號地舖

==================================

7. 宗像屋
講起日本美食,咁深水埗宗像屋一定唔可以錯過!
呢間小店嘅位置相當隱蔽,就算係成日去深水埗都未必察覺到~
佢嘅日本丼飯-宗像丼(特上)真心高CP值!
未食過嘅人一定要知,其實嗰丼飯係有3種食法㗎~
就係:當傳統魚生飯咁食、配紫菜變自製手卷、加熱湯作為茶漬飯~
偶然食好嘢、慰勞一吓自己都唔算好過分姐~Let’s go!

INFO.
地址:深水埗青山道60號地下B舖

*以上資訊只供參考,如有任何變化或更改均以現場情況或商戶決定為準*

Klook.com
X