荃灣真係有好多好嘢食㗎!
基本上午餐同晚餐都有好多選擇~
小編都有7間餐廳想私心推介畀大家!
好味又抵食!重點係夠哂飽足~~
一齊睇吓有邊幾間啦!
(排名不分先後~~~)
===========================================
1. 樓下冰室
冰室嘅蕃茄濃湯通粉配牛乳炒蛋簡直係人氣No.1!
蓄茄湯底味道香濃,鮮味十足!
瑞士雞脾熱辣辣上枱,賣相好吸引~
其實瑞士汁本身已經好香甜,
再加埋啖啖滑嫩又入味嘅雞肉,真係好食到冇得挑剔!
INFO.
地址:`荃灣荃華街16號荃薈商場地下G45-G54號舖
==================================
2. 餃子屋
呢間餃子店日日都大排長龍~
但佢哋嘅傳統四拼餃子(芹菜、白菜、椰菜、韭菜)真係好值得試!
餃子皮薄餡靚,咬落去爆哂餡!
粒粒堅足料!
湯底魚膠准山豬骨湯亦相當好飲,一定令你回味無窮~
INFO.
地址:荃灣西樓角路202-216荃昌商場1樓58號舖
==================================
3. Ann Mamma Thai kitchen by 張秀玲
餐廳裝潢充滿泰國風情,環境舒適!打卡一流!
而佢嘅泰國菜亦色香味俱全!
大蝦炒金邊粉、冬陰公湯、泰式豬頸肉等都相當出色~
食過必讚呀!!
INFO.
地址:荃灣曹公坊11號地舖
==================================
4. 饞•台式幸福食堂
一時之間飛唔到去台灣?嚟呢度食返餐頂住癮先啦!
餐廳裝潢偏向簡約,帶畀人一種舒適嘅感覺~
而食物方面一樣值得期待!大大份,CP值高!
其中紅燒半筋半肉麵、鹽酥雞便當、酒香花雕麻油雞麵,
都獲得唔少客人嘅好評㗎!
INFO.
地址:荃灣大河道98號如心廣場二期1樓122號舖
==================================
5. 唯一雲貴川風味
呢度嘅炸醬腩肉米線真係好惹味~
腩肉好大塊,味道相當濃!
炸醬超多,米線口感亦爽滑彈牙!
湯底又夠濃郁,日日煲足十幾個鐘,
仲有大量酸菜,味道微辣,好正呀!
INFO.
地址:荃灣四陂坊14號地下
==================================
6. 拉麵台風
拉麵台風嘅沾麵出名好食!
麵質彈牙,湯夠香濃,鹹度適中
搞到小編都好想食啊~~
INFO.
地址:荃灣大河道81號寶成樓地下7號舖
==================================
7. KOKO Coffee Roasters
自從南豐紗廠開放之後,每逢假日都會吸引唔少文青嚟打卡!
而裡面都有唔少高質餐廳,其中一間就係呢間寵物友善Cafe!
雖然價位屬於中上,但係食物賣相真係好吸引!
Burger、意粉、甜食、麵包、手沖咖啡都一樣有~
INFO.
地址:荃灣白田壩街45號南豐紗廠六廠地下G09號舖
*以上資訊只供參考,如有任何變化或更改均以現場情況或商戶決定為準*