唔少人都鍾意去元朗食好西～
梗係啦！元朗有咁多食肆，要食勻所有餐廳真係唔容易～
有見及此，小編為大家搵嚟6間元朗必食餐廳～
就算係晏就定夜晚入元朗都可以食到高質美食！
一齊睇吓有邊幾間啦～～
(排名不分先後～～～)

===========================================

1. 立哥麵家
想食原條鰻魚飯？元朗有一間好介紹～
呢個蒲燒原條鰻魚飯真係好受歡迎！
大大條鰻魚相當厚身，啲肉冇細骨又夠嫩滑！
下面仲有塊薄薄既半熟煎蛋～
最吸引嘅地方係可以任點鰻魚汁呀！
想每粒飯都吸收到鰻魚精華完全唔係問題！

INFO.
地址：元朗教育路93號鴻發大廈地舖

==================================

2. 覓食家
呢間餐廳之前都已經同大家介紹過，
咁大隻雞脾真係唔係周圍食到！
雞皮炸到又香又脆～～
雞脾亦無多餘油份，肉質嫩滑多汁！
嚟到元朗一定要試吓！

INFO.
地址：元朗鳳翔路33-43號鳳翔大廈地下4號舖

==================================

3. 薄荷葉泰國菜
元朗想食泰國菜，一定有唔少人介紹佢！
被一層薄薄既煎蛋皮網包著嘅蝦醬炒飯，賣相吸引！
外面仲放咗香草、蝦同魔鬼魚乾～
而佢哋嘅泰式炒金邊粉、咖哩大蝦、菠蘿炒飯、馬拉箋炒通菜亦相當唔錯～
客人仲可以揀坐喺戶外座位享受美食，
真係好有泰國風味啊！

INFO.
地址：元朗安康路怡康大廈地下12-13號舖

==================================

4. 永順食店
呢度嘅沙嗲牛肉麵係人人食過都會讚！
激濃郁湯底，仲有勁多花生粒～
牛肉份量亦相當多，而且好嫩口！
惹味到不得了，一食就愛上！重口味至愛～～
就算轉出前一丁麵都唔洗加錢！

INFO.
地址 : 元朗安寧路2號冠煌樓地下

==================================

5. 彩
過嚟元朗想食沾麵一定要嚟呢間！
小編私心覺得黑蒜油沾麵最好食！
味道又香又濃郁～好食!
再配兩大塊日式叉燒兩塊、筍條，加多隻溏心雞蛋，好滿足！

INFO.
地址：元朗建德街26號益利大廈地下14號舖

==================================

6. 龍鳳店
呢度嘅蛋治好有特色，因為係瀑布滑蛋包住方包！
目測至少用咗3隻雞蛋炒成～又香又濃郁！
裡面仲有鵝肝！正啊～
除此之外，內餡仲可以揀巴馬火腿、鰻魚、蟹膏、皮蛋肉鬆等口味～
食完仲可以買返支樽裝奶茶，幾好飲㗎！

INFO.
地址：元朗水車館街66號錦榮大廈地下3B號舖

*以上資訊只供參考，如有任何變化或更改均以現場情況或商戶決定為準*