講起大圍，其實都有唔少好食嘅餐廳！
午餐、晚餐食乜？唔洗諗！
小編都有6間心水餐廳想推介畀大家，
真係好食又高質！
一齊睇吓有邊幾間啦！
(排名不分先後～～～)

===========================================

1. 漢年茶餐廳
住喺大圍嘅街坊冇一個係未聽過呢間茶餐廳！
佢哋嘅椒鹽豬扒飯真係非吃不可！
椒鹽香味完全散發出嚟！
豬扒醃得好入味，而且份量都算多！
加少少錢仲可以轉埋炒飯底，夠哂鑊氣啊！

INFO.
地址：大圍積福街100號

==================================

2. 好湯好麵
呢間餐廳主打湯麵，湯底就最特別！
黑口黑麵、好頭好尾、蕃茄蛋牛等……
其中一款係海龍皇湯麵！
呢個麵有兩大隻鮮蝦，仲有帶子、蟹肉等豐富食材，而且湯底超濃郁！
標榜無味精，真心正，好有衝動飲哂成碗湯！

INFO.
地址： 大圍積存街20號地舖

==================================

3. 金城茶餐廳
呢度嘅生煎肉餅飯真係好出色！
自家醃製嘅肉餅份量十足，真係成吋厚！
即叫即煎，食落外脆內軟～
記得加埋豉油，撈飯真係一流！
想食得更惹味，不妨落埋辣菜甫～
簡單又平凡嘅一個肉餅飯，估唔到食落又咁有驚喜！

INFO.
地址：大圍積福街84號地下

==================================

4. 豬屋日本料理
大圍有一間以家庭式經營嘅日式餐廳，
裡面有超過十款便當俾客人揀，選擇超多！！
日式便當仲係以日本地方命名，就好似沖繩便當、和歌山便當、福岡便當等等～
每款都有唔同嘅食物組合！
前菜、刺身、小吃、主菜同咖哩飯樣樣有齊，
豐富又好食！一定滿足到你～～

INFO.
地址：大圍田心街20號雲疊花園4號

==================================

5. 白羊．座 Aries Cafe
大圍呢間cafe幾受歡迎！
裡面有多款特色熱狗，其中一款就係呢個火灸芝士鰻魚滑蛋熱狗！
勁多火灸芝士！芝士控一定唔可以錯過！
鬆軟嘅麵包上面仲鋪咗超大條嘅鰻魚，好吸睛！
仲有三層碎芝士，燒到好似熔岩～
一啖接一啖，好食到停唔到口！

INFO.
地址：大圍積信街63號積信樓地下59號舖

==================================

6. 風車
呢間隱世高水準西餐廳X酒吧，佢嘅波士頓龍蝦意粉真係好有質素！
開邊龍蝦真係大大隻又新鮮，仲好易剝添～
意粉炒得好香又入味，口感彈牙！
成碟佈滿哂芝士，
再加埋其他配料：露筍、洋蔥、蘑菇，真係好吸引！

INFO.
地址：大圍積存街50號葵偉樓地舖

===============

放假去邊 更多好介紹:
快啲like我哋Facebook
同follow我哋Instagram啦!

*以上資訊只供參考，如有任何變化或更改均以現場情況或商戶決定為準*