香港太空館推出全新專題展覽「先鋒號星際之旅」，介紹兩艘喺七十年代發射嘅先鋒號太空船， 當中使用嘅技術，發現同對日後太空探索嘅影響。

由美國太空總署發射嘅先鋒10號同先鋒11號太空船，穿越小行星帶，近距離拍攝木星同土星，仲有研究太陽風、宇宙射線同太陽風層。

以當年嘅科技水平，先鋒號具備前瞻性技術，配備嘅科學儀器包括能夠拍攝星球影像嘅光偏振儀，並利用放射性同位素供電等。參觀者可以喺場內透過互動裝置體驗和理解當中嘅科技原理。

當溫差達到一定數值，中間嘅燈泡就會著燈，呢個顯示咗太空船嘅發電設備嘅原理。

先鋒號嘅探索取得極為寶貴嘅資訊，包括首批近距離拍攝木星同土星嘅影像，首次確認木星嘅強大磁場，發現新嘅土星環等。

參觀者可以透過互動裝置感受地球同木星磁場強度差別，將木星同地球軟波放到鐵鏈上，可以感受到兩個星球唔同嘅磁場強度。

雖然兩艘太空船已分別喺2003年及1995年與美國太空總署失聯，但太空船上鑲有一塊金屬片，上面展示了地球人嘅外貌，及解釋太空船來源嘅符號，作為「宇宙瓶中信」。

參觀者都可以利用互動裝置創作「宇宙瓶中信」，將訊息傳送到外太空！

最後記得玩埋「旋拍太空船」呀！可以了解到太空船係點樣拍攝影像。

先鋒號星際之旅
地點：尖沙咀梳士巴利道10號香港太空館大堂
展覽日期：2022年10月26日至2023年5月29日
費用：免費

展覽及相關活動詳情請瀏覽網頁

*以上資訊只供參考，如有任何變化或更改均以現場情況或商戶決定為準*