奧海城新開咗一間泰式fusion餐廳，餐廳大廚係擁有40年入廚經驗中菜名廚師邵德龍師傅，將多款川菜元素融入到泰國菜當中，令到泰國菜唔只係得酸辣味，多咗麻辣同香辣嘅風味~

餐廳環境闊落，裝潢型格有氛圍，仲設有bar檯，包廂~座位都幾多~

包廂適合朋友或家庭聚會~

前菜推介藤椒蟶子青提子同泰式生蝦！

藤椒蟶子青提子：蟶子清甜，帶有輕微麻香，配上酸甜嘅提子，開胃清新。

泰式生蝦：生蝦爽彈鮮甜，醬汁好惹味，微辣。

招牌海南雞飯：海南雞皮爽肉滑，油飯香糯，配上清甜雞湯~好滿足。

原隻鮮魷：鮮美嘅魷魚配上麻辣醬汁，香口惹味~

辣炒泰式黑豚肉碎配芝麻葉：好似傳統粵菜中炒鴿鬆，材料有黑豚肉碎、香菇、叻沙葉、米通，再配上清香芝麻葉，口感豐富~

最後一定要試埋芒果糯米飯，芒果香甜，糯米飯微熱，口感軟糯，一口一個，冇負擔~

Sawadee Chef

地址: 大角咀海庭道18號奧海城二期G樓G21-G23, G25-G27

營業時間：星期一至日 12:00 – 22:30

*以上資訊只供參考，如有任何變化或更改均以現場情況或商戶決定為準*