fbpx

【香港】大水坑至大尾篤街渡7月開航!經馬料水!去玩又多個選擇啦!

6 月 23, 2022 | 香港, 沙田 / 大圍, 大埔, 熱話

☉ 瀏覽次數 : 774

馬鞍山大水坑來往大尾篤街渡即將開通啦!運輸署早前接獲營辦商聲威實業申請街渡航線,近日就落實街渡會喺7月9日啟航,提供兩條航線來往大水坑至大尾篤同來往大水坑至馬料水!

沙田區議員鄭仲恒上周二仲喺社交平台表示,相約咗運輸署、康文署、渡輪承辦商同協辦團體,視察有關大水坑新街渡試航,要求有關部門加強留意乘客排隊嘅情況,避免影響海濱長廊嘅其他使用者。

海濱長廊為康文署管轄範圍,所以並未成為寵物共享公園,長廊中亦冇足夠寬度增設寵物通道,所以新渡輪服務並不接受寵物上船。




大水坑至大美督嘅船程全程約1小時,每隔2個鐘一班。大水坑至馬料水則約15分鐘,馬料水至大美督就需要45分鐘。大水坑早上11點最早開出,尾班則晚上7點開出;最早大美督開出係中午12點,尾班船則係傍晚6點開出。

圖片來源:沙田交通關注組、Osman Cheng 鄭仲恒

 

*以上資訊只供參考,如有任何變化或更改均以現場情況或商戶決定為準*

Klook.com
X