fbpx

【香港】大埔廢校活化輕工業風意大利菜!必試手作意粉+特色COCKTAIL!

12 月 23, 2022 | 香港, 大埔, 美食

☉ 瀏覽次數 : 904

喺大埔藝術中心新開嘅意大利餐廳Pentola,由擁有逾20年經驗嘅意籍大廚Claudio Conforti擔任廚藝顧問,主打手工意粉、特色主菜同創意雞尾酒!手
工意粉仲特別混合意大利麵粉同本地九龍麵粉廠出產嘅麵粉製作,保留咗小麥嘅原始香氣,仲更有口感!

大埔藝術中心前身係大埔官立中學,活化後改成以表演藝術為主嘅場地,有藝術工作室、小型演出嘅「黑盒」、展覽嘅「白盒」、音樂室、舞蹈室及藝術資訊中心等。位置鄰近大埔中心,交通都幾便利。餐廳就保留咗原有風格,以原始磚牆,加入咗港式紅磚,有啲輕工業風嘅味道。勁適合文青打卡!。

Pentola主廚團隊經反覆嘗試,研究出最完美嘅麵粉比例6:4(九龍麵粉:意大利00粉)製作手工意粉。混合意大利麵粉同本地九龍麵粉廠出產嘅麵粉製作手工意粉,保留咗小麥原始香氣,突出咗蛋香,增添咗意粉口感。




伯爵茶胡椒慢煮牛面頰特寬麵(HK$158),油花充足且肉味香濃嘅澳洲和牛面頰,慢煮6小時後,肉質軟腍入味。加入由佛手柑同紅茶混合而成嘅伯爵茶增加風味,配以特寬麵。

松葉蟹肉蟹膏菠菜闊扁麵(HK$168),超驚喜有別一般蟹膏,呢個蟹膏食起嚟似中菜蟹黃,超香口!

香辣甜椒汁燴法國黃油春雞配蘭度豆(HK$248),超嫩滑雞肉,甜椒汁有點印度瑪莎拉風味,小編推薦!

Pentola特別仲為客人帶來三款唔同烹調嘅青口,當中青口配椰香秘魯辣椒汁(HK$128),以秘魯米拉索爾辣椒製成嘅辣椒汁,加入椰奶煮成,係大廚獨家配方。

吉列炸水牛芝士條配煙燻辣椒蕃茄醬(HK$78),芝士唔膩仲有得拉絲!

地中海魚濃湯(HK$68),超香海魚味,又鮮又甜又Creamy!

意大利牛心茄布袋芝士沙律配百香果油醋汁(HK$118),百香果加入油醋減少咗酸澀,帶果香得嚟勁開胃!

甜品有奶凍配百香果醬(HK$48)同TIRAMISU(HK$58),甜品控不能錯過!

此外,Pentola仲提供精品咖啡及多款創意雞尾酒,由獲獎無數嘅著名咖啡師Gary Au主理。細味特色意大利菜同時細呷創意調酒同精品咖啡。

Sweet Dream(HK$98),以本地白蘭樹下氈酒加入有氣蝶豆花菜調製,有漸變效果,打卡必點!

PI Tiramisu(HK$128),神奇地擁有Tiramisu嘅甜品風味同口感,喜歡Tiramisu嘅人不能錯過!

Dirty(HK$45),同85%朱古力(HK$50),可以揀燕麥奶同無乳糖奶!

 

*以上資訊只供參考,如有任何變化或更改均以現場情況或商戶決定為準*

Klook.com
X